2021-04-15 15:32

ოთხშაბათს საღამოს 6 საათზე ერთდროულად რადიოებზე "აფხაზეთის ხმასა" და "დარდიმანდზე" ტელეკომპანიებში "დარდიმანდი" და " აფხაზეთის ხმა" და ფეისბუქ Live-ში გავიდა ნინო ჩხეიძის საავტორო გადაცემა "სტუმრად ნინოსთან"
გადაცემაში სტუმრად იყო ფსიქოლოგი და ქალების ტანტრის მასწავლებელი - ნუცა ჯოხაძე.

როგორც ნინომ თქვა, ნუცა პანდემიის დროს აღმოაჩინა ინსტაგრამზე. მისი პოსტები და live-ბი ძალაინ დაეხმარა ყოველდღიურობის გადატანასა და თვითშეფასების ამაღლებაში.
გადაცემის თემა იყო ქალი და მისი ენერგეტიკა. ნუცამ რამდენიმე მნიშვნელოვანი რჩევა მისცა ქალებს
1. რაც შეიძლება მეტი რამ ვაკეთოთ ის, რაც გვსიამოვნებს.
2. მივიღოთ ჩვენი თავის ის ნაწილები, რომლებიც არ მოგვწონს,ვუპოვოთ მათ რამე დადებითი მხარე.
3. ვისუნთქოთ სწორად - მუცლით.რათა ჩვენმა სხეულმა იგრძნოს რომ ცოცხალია.

"შეიძლება იყო ძალიან ლამაზი,მაგრამ შინაგანად იყო ისეთი ჩამქრალი,რომ ვერავინ ვერ გხედავდეს. მთავარია, რა ემოციებს განიცდი,რადგან იმას ასხივებ, რაც ხარ შინაგანად. ზუსტად ის არის ქალის უნიკალურობა და სილამაზე, რომ განსხვავებულები ვართ ერთმანეთისგან. ამაში არის ჩვენი სილამაზე."

გადაცემაში ასევე ისაუბრეს "ქალის ტანტრაზე"
"ტანტრას ვორქშოფი პირველ რიგში გვაშორებს და გვანთავისუფლებს იმ თავს მოხვეული კონცეპტებისგან,რაც ჩვენი არ არის და აღზრდის შედეგადა არის ჩვენზე თავს მოხვეული. სწორედ ეს გვიშლის ხელს,გავიგოთ, ვინ ვართ რეალურად და რას განვიცდით." - თქვა ნუცა ჯოხაძემ.
მეორე ნაწილში ნინოს გადაცემაში შედგა ქეთი ფარესაშვილის შესრულებული სიმღერის "ასე მგონიას" პრემიერა, რომელიც ეკუთვნის ლილიკო ნემსაძეს, ტექსტის ავტორია მიშა ცინცაძე და არანჟირება ბორიკო შხიანის.