დღეს გადაცემა „კომენტარის“ პირდაპირ ეთერში, ტელეარხ ფორმულაზე მსახიობ ნინუცა მაყაშვილის დამ, რუსკა მაყაშვილმა განცხადება გააკეთა და თქვა, რომ ბესო ზანგური არის, იყო და იქნება მუდამ მოძალადე. მისივე თქმით, მნიშვნელობა არ აქვს რამდენი ხნის წინ მოხდა ძალადობა, მოძალადე უნდა ამხილო.
"ძალიან რთულია ამაზე საუბარი. 11 წელი გავიდა. ეს იყო უმძიმესი პერიოდი, განსაკუთრებით, ჩემი დის ცხოვრებაში, რომელიც შეეცადა ეს ყველაფერი დაევიწყებინა. ნინუცას უბრალოდ არ შეეძლო ამ ყველაფერზე ლაპარაკი. ის გადიოდა ურთულეს პროცესებს, მას შემდეგ რაც ის წამოვიდა მისი ოჯახიდან. ეს პროცესი მიდიოდა წლები. მას სჭირდებოდა ძალიან ბევრი ფსიქოლოგი, ფსიქიატრი და ა.შ.
დღეს, მგონი, სწორ დროს ამოიღო ხმა. ეს ყველაფერი არის ძალიან რთული ასე ადგე და ამ ყველაფერზე ილაპარაკო, როდესაც ასეთი უცნაური პროცესები მოჰყვება ამ ყველაფერს რაც მოჰყვა...
სწორია, უნდა ამხილო და არ აქვს მნიშვნელობა როდის, გუშინ, გუშინწინ, ბესო ზანგური იყო, არის და იქნება მუდამ მოძალადე", — განაცხადა რუსკა მაყაშვილმა ფორმულას პირდაპირ ეთერში.
