2021-03-31 15:51

ეკვადორში, საბაჟოზე ჩემოდანში პოლიეთილენში გახვეული 185 გალაპაგოსის კუ აღმოაჩინეს.

BBC-ის ინფორმაციით, რეპტილიები კუნძულ ბალტრას მთავარ აეროპორტში, გეგმური შემოწმების დროს იპოვეს.  კონტრაბანდისტებმა ცხოველები პოლიეთილენში გაახვიეს, თუმცა რენტგენზე შემოწმებისას მებაჟეებს ეჭვები მაინც გაუჩნდათ. კუების ასაკი 3 თვეს არ აღემატება. 10 მათგანი დაიღუპა. ჩემოდანი აეროპორტში საკურიერო ფირმამ მიიტანა. დოკუმენტების მიხედვით, მასში სუვენირები უნდა ყოფილიყო.

საქმეზე ჯერ არავინ დაუკავებიათ,თუმცა  მათი კონტრაბანდისთვის სასჯელი 3 წლამდე ვადით თავისუფლების აღკვეთას ითვალისწინებს.