როგორც ცნობილი გახდა, ბრიტანულმა გამოცემა The Sun-მა გამოაქვეყნა კვლევა, რომლის თანახმადაც, მსოფლიოში ყველაზე სექსუალური მელოტი კაცი პრინცი უილიამია. ახალგაზრდა, კემბრიჯის ჰერცოგმა უკან ჩამოიტოვა ისეთი ვარსკვლავები, როგორებიც არიან დუეინ ჯონსონი, ჯეისონ სტეტჰემი და თვით სპორტის ლეგენდა მაიკლ ჯორდანი.
აღსანიშნავია, რომ კვლევა ეყრდნობა ინტერნეტსივრცეში არსებულ მონაცემებს. მკვლევარებმა აღმოაჩინეს, რომ 38 წლის პრინცი, რომელიც სრულიად მელოტი არ გახლავთ, სხვადასხვა ბლოგეში 17,6 მილიონჯერ არის მოხსენიებული, როგორც ყველაზე სექსუალური კაცი. სწორედ ეს გახდა საფუძველი იმისა, რომ მსოფლიოს ყველაზე სექსუალური მელოტის ტიტული უილიამს მიენიჭა.
სექსუალური მელოტების ტოპ-ათეულში შედიან: მაიკ ტაისონი, პიტბული, მაიკლ ჯორდანი, ბრუს უილისი, ვინ დიზელი და ჯონ ტრავოლტა.
პრინცის ასეთ აღიარებას სოციალურ ქსელებში სახალისო კომენტარები მოჰყვა. ზოგმა ყოველივე უილიამისა და ჰარის დაპირისპირებას დაუკავშირა და დაწერა, რომ ახლა ბრიტანული მედია ცდილობს უილიამის უპირატესობა წარმოაჩინოს, რომ ყოველივე პიარ-კამპანიის ნაწილია. თვითონ პრინცი უილიამი ამასთან დაკავშირებით კომენტარს არ აკეთებს.
