2021-03-17 16:07

„ნაციონალური მოძრაობის” აქტივისტები ავტომსვლელობით რუსთავის პენიტენციურ დაწესებულებასთან მივიდნენ. ისინი აქციას მართავენ და პარტიის თავმჯდომარე ნიკა მელიას შეძახილებით მიმართავენ.

ნიკა მელია „ნაცმოძრაობის” მხარდამჭერებს რუსთავის პენიტენციური დაწესებულებიდან მიესალმა.

პარტიის ერთ-ერთი ლიდერის, ზაალ უდუმაშვილის განცხადებით, კი რამდენადაც გაიწელება დროში ნიკა მელიას და გიორგი რურუას გათავისუფლება, მით უფრო ცუდი იქნება „ქართული ოცნებისთვის”,

„ჩემთვის განსაკუთრებით სასიხარულო იყო, რომ ნიკა მელიას ერთთვიანი პატიმრობის პერიოდში პირველად მომეცა საშუალება, დამენახა. მე დარწმუნებული ვარ, რომ ნიკა მელია მალე დატოვებს საპატიმროს. ეს არის აუცილებელი პირობა, რომ ჩვენ ნორმალურად მივუსხდეთ მოლაპარაკებების მაგიდას და განვიხილოთ რა არის აუცილებელი, რომ ქვეყანა გამოვიყვანოთ კრიზისიდან. რამდენადაც გაიწელება დროში ნიკა მელიას და გიორგი რურუას გათავისუფლება მით უფრო ცუდი იქნება ,,ქართული ოცნებისთვის”, იმედია ამას ათვითცნობიერებენ”, - აღნიშნა ზაალ უდუმაშვილმა.