2021-03-11 16:12

მსახიობი და ტელეწამყვანი გიორგი გასვიანი მეუღლესთან, მარიტა მელიქიშვილთან ერთად რესტორანს ეწვია. წყვილმა სოციალურ ქსელში ვიდეო გამოაქვეყნა, სადაც ამბობენ, რომ მათი შეუღლების შემდეგ პირველად მიეცათ შესაძლებლობა, რესტორანში წასასვლელად.

"მე მგონი, პირველად მოვხვდით ცოლ-ქმრობის დროს მე და შენ რესტორანში ერთად. გაიხსნა რესტორნები და დღეს მოვედით პირველად. გვიხარია", - ამბობს გიორგი გასვიანი.

წყვილმა დაახლოებით სამი თვის წინ იქორწინა და მათი ბედნიება თითქმის მთელმა საქართველომ გაიზიარა. მიუხედავად პანდემიისა, გიორგიმ და მარიტამ ჯვარი ყველა საყვარელი ადამიანის გარემოცვაში დაიწერა და სახლში ქორწილიც გადაიხადეს. 

მათ ხალხისგან უამრავი დადებითი ემოცია და თბილი კომენტარი დაიმსახურეს.

მიუხედავად იმისა, რომ წყვილს შორის 16-წლიანი სხვაობაა, გიორგის და მარიტას თქმით, ეს ურთიერთობაში ხელს სრულებით არ უშლით. ქორწინების შემდეგ ისინი ხშირად  ჩნდებიან სხვადასხვა  გადაცემასა  თუ  შოუში.

გიორგი და მარიტა სოციალურ ქსელებში ხშირად აქვეყნებენ სხვადასხვა საერთო ფოტოს და წლის საუკეთესო  წყვილადაც კი აღიარეს.