2021-03-10 15:17

პარფიუმი - თქვენი საიმედო თანამგზავრია, რომელსაც ყოველდღიურად ვანდობთ განწყობას. სუნამოს შერჩევისას მხოლოდ მის სურნელს არ ვანიჭებთ უპირატესობას, მნიშვნელოვანია ლამაზი შლეიფი გაჩნდეს და სიმსუბუქეში არ შეგვიშალოს ხელი. ვარდის კომპოზიცია ქამელეონს ჰგავს, მარტივად იცვლება სეზონის მიხედვით და პარფიუმერების ფავორიტია.გაზაფხულის პარფიუმერული „გარდერობი“ ახალი სეზონისთვის მზად არის, არ დაგავიწყდეთ რომ ვარდი ტრადიციულად სიყვარულის სიმბოლოა.

Dolce & Gabbana

ყვავილოვანი და ხილის კომპოზიცია - ეს ის კომბინაციაა, რომელიც ზამთარში მოგვენატრა. მაისის ვარდის სურნელი Dolce-ს ყვავილოვან ოჯახშიც გაჩნდა, რომელსაც თეთრი ატამი, მაგნოლია, წითელი მოცხარი და მწვანე ვაშლი უქმნის კომპანიონობას. როგორც კი ტკბილი ნოტები აორთქლდება, თამაშში მუსკუსი, ხე და სანდალი ერთვება - სწორედ ისინი ხდებიან კომპოზიციის სიღრმეზე პასუხისმგებელი.

Burberry

თუკი ღრუბლიანი ლონდონი გიყვართ, დროა შეიქმნათ გარშემო შესაფერისი განწყობა არომატის საშუალებით. ამაში პარფიუმერი ჟერომა დი მარინო და მაია ლერნსი დაგეხმარებათ. საფირმო კომპოზიცია Her წელს განახლებული ვერსიით წარსდგა და ბევრად ნაზი ნოტებით გამოირჩევა წინამორბედისგან განსხვავებით, რაზეც პასუხისმგებელი ვარდი და პიონია. რომანტიკულ განწყობას კი მუსკუსის შლეიფი შეგივსებთ.

Chloé

პარიზული რომანტიკა და ქალურობა სინამდვილეში Chloé-ს ახალ კომპიზიციაში შეგიძლიათ აღმოაჩინოთ. საქმე იმაშია, რომ ვარდი თეთრ ჭადართან, შავ მოცხართან და მზიან მანდარინთან ერთად კომბინაციაშია წარმოდგენილი. ერთი შეხედვით კომპოზიცია არ ერწყმის ერთმანეთს, არომატები სინამდვილეში გეპატიჟებათ რთულ მოგზაურობაში გაჯერებული ვარდის ნოტებით. ეს ყოველივე კი სიდონი ლანსესერმა და მიშელ ალმერაკმა საფირმო ბაფთით შეავსეს. ამ ჟესტით შეგვახსენეს ის, თუ რამდენად კარგია რომ სამყაროში მუდმივობას თავისი ადგილი აქვს.