2021-03-10 14:06

1-ლი მარტიდან დამსაქმებლებს ახალი ვალდებულება გაუჩნდათ.

კერძოდ, საუბარია, იმაზე რომ ქვეყანაში აუცილებელი ხდება დამსაქმებელმა დასაქმებულთა სამუშაო საათები აღწეროს.შრომის ინსპექციის ხელმძღვანელის ბექა ფერაძის განცხადებით, ცვლილების მიზანი დასაქმებულების დაცვაა.

მისივე თქმით, აღნიშნული ვალდებულების დარღვევაზე, სანქციების მექანიზმი  მერყეობს 400-დან 1 000 ლარამდე. „ჩვენ ვეუბნებით კომპანიებს, რომ თავად შეუძლიათ აირჩიონ როგორც პროგრამული, ისე მატერიალური უზრუნველყოფის გზა. ეს განპირობებულია იმით, რომ მსხვილ კომპანიებს აქვთ საშუალება ელექტრონულად მოახდინონ, ზედმეტი ძალისხმევის გარეშე აღრიცხვა, ხოლო მცირე კომპანიებს, რომელსაც ამის რესურსი არ აქვთ, შეუძლიათ წერილობით აწარმოონ ტაბელი. სამომავლოდ, თუ ეს არჩევანი აღარ მიეცემა ბიზნესს და სავალდებულო გახდება ყველასათვის ელექტრონული წარმოება, ეს იქნება ისეთივე ანგარიშგების შევსების ფორმა, როგორც ახლა ნებისმიერი ბიზნეს სუბიექტი ავსებს შემოსავლების სამსახურის ვებგვერდზე ფინანსურ ანგარიშებს. სამომავლოდ ეს თუ მოხდა, არ იქნება ზედმეტი ხარჯის წარმომქმნელი ან შემზღუდავი ნორმა, პირიქით."-განაცხადა ფერაძემ.