2020-04-18 17:40

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ქართველ ხალხს აღდგომის ბრწყინვალე დღესასწაულს ულოცავს და თითოეულ მოქალაქეს სახლში დარჩენისაკენ მოუწოდებს.

როგორც სახელმწიფო მინისტრმა განაცხადა, ახლა თითოეული მოქალაქის მოქმედება გადამწყვეტია.

„გილოცავთ აღდგომის ბრწყინვალე დღესასწაულს თითოეულ მართლმადიდებელ ქრისტიანს საქართველოში, განსაკუთრებით ჩვენს მოსახლეობას აფხაზეთსა და ცხინვალის რეგიონში, ჩვენს დევნილებს. ადამიანებს, რომლებიც ცხოვრობენ საოკუპაციო ხაზის გასწვრივ, ვუსურებ მათ და თითოეულ ჩვენგანს, ჯანმრთელობას, მხნეობას, მალე და მშვიდობიანად იმ უსამართლობის დასრულებას, რასაც დღეს ზურგს ტანკები და მავთულხლართები უმაგრებენ. მე ვარ დარწმუნებული, რომ ჩვენ ჩვენი ამ ქვეყნის მთავარ გამოწვევას, ისევე როგორც სხვა მიმდინარე გამოწვევებს და ძალიან სერიოზულ მსოფლიო პანდემიას წარმატებით გავუმკლავდებით. ოღონდ ამისათვის ახლა თითოეული ჩვენგანის მოქმედება არის გადამწყვეტი.

აღდგომა არის სიკვდილზე სიცოცხლის გამარჯვების უდიდესი სიმბოლო. ახლა პირდაპირი მნიშვნელობით სიცოცხლის გამარჯვებისათვის თითოეულ ჩვენგანს აქვს ჩვენი წილი პასუხისმგებლობა. მე, როგორც ერთი ადამიანი, როგორც აღდგომის დღესასწაულის სიხარულის თანაზიარი მოგიწოდებთ და გთხოვთ, დარჩით სახლში, მოუფრთხლდეთ საკუთარ ოჯახებს, ერთმანეთს და ჩვენს ქვეყანას, ერთად გადავარჩინოთ სიცოცხლე“, - აღნიშნა ქეთევან ციხელაშვილმა.