2020-03-20 14:50

უწყებათაშორისი კომისიის სხდომის დასრულების შემდეგ, საქართველოს ჯანდაცვის მინისტრმა საგანგებო ბრიფინგზე განაცხადა, რომ მოსახლეობის მაღალი მომართვიანობის გამო, კონსულტაციების შედეგად, მიღებულია გადაწყვეტილება, რომელიც გულისხმობს პაციენტების საგანგებო მიღებას. ეკატერინე ტიკარაძის განმარტებით, თბილისის რესპუბლიკური საავადმყოფო პაციენტების მიღებას დაიწყებს.

“ჩვენი მოქალაქეების ძალიან დიდი ნაკადის მომართვიანობიდან გამომდინარე, მივიღეთ გადაწყვეტილება, რომ ამ ეტაპზე თბილისში, რესპუბლიკურ საავადმყოფოში მოხდეს პაციენტების საგანგებო რეჟიმში მიღება. გთხოვთ ყველა მოქალაქეს, ვისაც ექიმის დახმარება გჭირდებათ, მიმართეთ რესპუბლიკურ საავადმყოფოს. ასევე, მინდა აღვნიშნო, თუ მიიჩნევთ, რომ ვირუსისთვის დამახასიათებელი რაიმე სიმპტომები გაგაჩნიათ, დაგვიკავშირდით ცხელ ხაზზე. ჩვენი სპეციალისტები დაგაკვალიანებენ და საჭიროების შემთხვევაში მოხდება თქვენი ტრანსპორტირება”, – აცხადებს ჯანდაცვის მინისტრი.