2014-03-04 18:59

სევასტოპოლის აეროპორტ „ბელბეკზე“, რომლის ასაფრენ-დასაფრენი ზოლი შეიარაღებულ რუს სამხედროებს ჰქონდათ დაკავებული, გარნიზონის უკრაინული ნაწილი აგრესორებს მარშითა და ჰიმნის სიმღერით მიადგა.

რუსი სამხედროები უკან იხევდნენ, თუმცა, იმისთვის, რომ უკრაინელთა ახლოს მოსვლა არ დაეშვათ, ჰაერში ავტომატებიდანაც ისროდნენ. უკრაინელთა მეთაური, რომელიც სამხედროებს მოუძღოდა, არც მაშინ შეჩერებულა, როცა რუსები ჰაერში ისროდნენ და თვითონ კი მიზანში ჰყავდათ ამოღებული.

როგორც უკრაინული მედია წერს, ამ დროისთვის აეროპორტს თითქმის მთლიანად უკრაინული გარნიზონი აკონტროლებს, თუმცა, რუსები ისევ რჩებიან საყარაულო ნაწილში და ასაფრენ ზოლზე. უკრაინელებმა აეროდრომის ფლაგშტოკზე ისევ აღმართეს უკრაინის სახელმწიფო დროშა. მოლაპარაკება ჯერაც მიმდინარეობს.