2014-03-04 11:42

რუსეთის „პირველმა არხმა“ „ოსკარის“ დაჯილდოვების ცერემონიალის განმეორებით ჩვენებაზე მსახიობ ჯარედ ლეტოს მიერ წარმოთქმული სიტყვები, რომლებიც უკრაინისადმი სოლიდარობას გამოხატავდა, ამოჭრა.

ამის შესახებ ინფორმაციას ტელეკომპანია „დოჯდი“ ავრცელებს.

შეგახსენებთ, რომ მსახიობმა ჯარედ ლეტომ „ოსკარის“ გადაცემის შემდეგ სიტყვა წარმოთქვა: „ყველა ვინც გვიყურებს, უკრაინა და ვენესუელა, მე მინდა ვთქვა, რომ ჩვენ თქვენს გვერდით ვართ. ჩვენ აქ ვართ მაშინ, როცა თქვენ იბრძვით იმისთვის, რათა გქონდეთ უკეთესი ცხოვრება“.

რუსეთის „პირველმა არხმა“ კი ცერემონიალის სწორედ ეს ნაწილი აღარ გაიმეორა.