2014-03-04 05:44

აშშ-ის პრეზიდენტმა ბარაკ ობამამ, რომელმაც დღეს საგანგებო თათბირი გამართა, მისი დასრულების შემდეგ განაცხადა, რომ თუ რუსეთი ყირიმში ისევ გააგრძელებს მოქმედებას, აშშ მიიღებს ზომებს, რომლებიც უარყოფითად აისახება რუსეთის ეკონომიკაზე.

მისივე თქმით, აშშ და მოკავშირეები განიხილავენ დამატებითი ზომების მიღების საკითხს რუსეთის წინააღმდეგ, რომელმაც ყირიმის მიმართულებით ჯარი გაგზავნა.

ობამამ ხაზი გაუსვა, რომ რუსეთს უკრაინაში ორი გზა აქვს: თავი შეიკავოს ყირიმში საომარი მოქმედებებისგან ან გააგრძელოს ის, რასაც აქამდე აკეთებდა და რაც, დროთა განმავლობაში ძვირად დაუჯდება.