2020-03-07 18:27

კორონავირუსის გავრცელების პრევენციის მიზნით, პრეზიდენტის ადმინისტრაცია დროებით მოქალაქეების მიღებს ზღუდავს. ამის შესახებ ინფორმაცია ადმინისტრაციამ გაავრცელა.

7 მარტიდან 16 მარტამდე ორბელიანების სასახლეში არ ჩატარდება პრეზიდენტის ოფიციალური ღონისძიებები. ამასთან ერთად, გადაიდო სასახლის დამთვალიერებელთა ექსკურსიები.

"მოქალაქეებს შესაძლებლობა ექნებათ პრეზიდენტის ადმინისტრაციას დაუკავშირდნენ ცხელი ხაზზე: +99532 2288888 ყოველ სამუშაო დღეს 10:00 საათიდან 19:00 საათამდე, ან ელექტრონული ფოსტის საშუალებით: info@president.gov.ge", — აღნიშნულია განცხადებაში.