2014-02-27 17:16

საქართველოს ყოფილი პრემიერმინისტრის ვანო მერაბიშვილის საქმის მთავარი პროკურორის, ნათია მეზვრიშვილის განცხადებით სასამართლომ მერაბიშვილის პატიმრობასთან დაკავშირებით სწორი გადაწყვეტილება მიიღო:

"სასამართლოს გადაწყვეტილებას, რა თქმა უნდა, ველოდებოდით იქიდან გამომდინარე, რომ 5 თვის მანძილზე სასამართლოში წარვადგინეთ მრავალი მტკიცებულება, რომელიც ივანე მერაბიშვილის ბრალეულობას ადასტურებდა. ვფიქრობ, რომ დღევანდელი განაჩენი ეკუთვნის იმ ასობით საქართველოს რიგით მოქალაქეს, რომლებმაც 26 მაისს პოლიციის მიერ გამოყენებული ძალადობა საკუთარ თავზე იწვნია. სასამართლოს გადაწყვეტილება იყო ადეკვატური, მან ივანე მერაბიშვილი დამნაშავედ ცნო უფლებამოსილების გადამეტებაში", - განაცხადა ნათია მეზვრიშვილმა.