-
2019-05-09 18:31
ქართული ჭაჭა ამერიკული ფესვებით - პენსილვანიის შტატში ქართველმა ბიზნესმენმა ალკოჰოლური სასმელების საწარმო "ლაზიკა" გახსნა. საწარმოში ამერიკული ბაზრისთვის ჭაჭას კალიფორნიული ყურძნისა და ქართული ტრადიციების შეზავებით დაამზადებენ.
ალკოჰოლური სასმელის საწარმო სახელწოდებით “ლაზიკა“ ქართველმა ემიგრანტმა დავით ცქიფურიშვილმა პენსილვანიის ქალაქ მორისვილში გახსნა. ქარხნის ხელმძღვანელის თქმით, აღნიშნულ საწარმოში დღეში რამდენიმე ტონა ჭაჭის დამზადება იქნება შესაძლებელი. ღვინო მფლობელს კალიფორნიიდან შემოაქვს, თუმცა მომავალში საქართველოდან იმპორტს არ გამორიცხავს.
პენსილვანიაში ქართველი ემიგრანტის საწარმოს გახსნაზე დღეს ვაშინგტონში, ნიუ-იორკში და ფილადელფიაში მცხოვრები ქართველები ჩავიდნენ. დავით ცქიფურიშვილმა ქარხნის პრეზენტაციაზე საქართველოს მესამე პრეზიდენტი, მიხეილ სააკაშვილი მიიწვია და ახლად აშენებული ქარხანა „ლაზიკა“ მას გაახსნევინა. ქარხნის მფლობელის თქმით, "ლაზიკა" ქართველთა სათვისტომოს შეკრების ადგილიც იქნება.
„ლაზიკაში“ დამზადებული არაყი სარეალიზაციოდ ამერიკის სპეციალურ ალკოჰოლის მაღაზიებში შევა, რადგან კანონით ამ ტიპის სასმელის გაყიდვა ჩვეულებრივ სასურსათო მაღაზიებში არ შეიძლება. დავით ცქიფურიშვილი აპირებს ქარხანაშივე გახსნას სადეგუსტაციო ადგილი, სადაც ალკოჰოლის მაღაზიების მეპატრონეებს და ინდივიდუალურ კლიენტებს ქართული ჭაჭის გემოს და ხარისხის შემოწმება შეეძლებათ.
წყარო:რუსთავი2
თემასთან დაკავშირებული მასალები:
-
2017-01-16 19:16
-
2016-11-07 15:15
-
2016-11-07 13:00
-
2016-09-21 14:26