ატლანტიკურ საბჭოში კონფერენციაზე, ანალიტიკოსები რუსულ კომპანია “გაზპრომზე”, როგორც მოსკოვის გეოპოლიტიკურ იარაღზე და ევროკავშირის და შეერთებული შტატებისთვის სტრატეგიულ გამოწვევაზე სამ საათზე მეტხანს მსჯელობდნენ.
დიპლომატებმა და ექსპერტებმა, რომლებიც რუსეთის და ევრაზიის რეგიონზე მუშაობენ, ყურადღება გაამახვილეს, თუ როგორ ხდება რუსეთი დამოკიდებული ევროპაზე, საკუთარი ბუნებრივი რესურსების გაყიდვის კუთხით. ამერიკის ადმინისტრაცია დიდი ხანია მოუწოდებს ევროპას, შეამციროს რუსულ გაზზე დამოკიდებულება.
„გაზპრომი" დიდი ხანია რუსეთისთვის ენერგეტიკული დიპლომატიის ინსტრუმენტს ან ენერგეტიკულ იარაღს წარმოადგენს. "გაზპრომი" გამოიყენება დიპლომატიური ურთიერთობების დასამყარებლად, მოკავშირეების დასაჯილდოებლად. მაგრამ ასევე იმისთვის, რომ დაისაჯონ მეზობელი ქვეყნები და ის სახელმწიფოები, რომლებიც რუსეთთან თანამშრომლობაზე არ მოდიან,“-აცხადებს ანია გრიგასი.
