ევროკომისარმა იოჰანეს ჰანმა საქართველოს პრემიერ-მინისტრთან ერთად თბილისში აღმოსავლეთის პარტნიორობის ევროპული სკოლა გახსნა.
ევროკავშირის კომისარი გაფართოების საკითხებში თბილისში ვიზიტს განაგრძობს. სკოლის გახსნამდე მას შეხვედრა საქართველოს პრეზიდენტთანაც ჰქონდა.
„ჩვენი ერთობლივი პასუხისმგებლობაა, დაგეხმაროთ ყველა შესაძლებლობის გამოყენებაში თქვენი მიზნების მისაღწევად, სწორედ ამიტომ ვიწყებთ ამბიციურ პროექტს. აღმოსავლეთ პარტნიორობის ევროპული სკოლა იქნება რეგიონული თანამშრომლობის სიმბოლო, ასეთი სკოლის დაარსება ევროკავშირის გარეთ იყო ჩემი ხედვა ეს იქნება დაწესებულება, სადაც არამხოლოდ მაღალი ხარისხის განათლების მიღების საშუალება ექნებათ სტუდენტებს, არამედ ეზიარებიან და გაითავისებენ ევროპულ ღირებულებებს“- განაცხადა ევროკომისარმა იოჰანეს ჰანიმ.