„ევრომაიდანის“ სამედიცინო პერსონალის ინფორმაციით, დღეს კიევში 100-მდე ადამიანი მოკლეს. ამის შესახებ ცნობას „მაიდანის“ სამედიცინო მომსახურების კოორდინატორი ოლეგ მუსი „უკრაინსკაია პრავდასთან“ საუბრისას ავრცელებს.
მისი თქმით, ეს მონაცემები ზუსტი არ არის და გარდაცვლილთა რაოდენობა შესაძლოა გაიზარდოს.
„პირადად მე მორგში 9 ცხედარი მივიტანე“, - განაცხადა მუსიმ.
უკრაინის ჯანდაცვის სამინისტროს მიერ გავრცელებული ინფორმაციის თანახმად, კიევის მოვლენების შედეგად დღეს 7 ადამიანი გარდაიცვალა.