2014-02-20 13:17

კიევში სნაიპერები მედიკოსებს ესვრიან, რომლებსაც დაჭრილები გამოჰყავთ, ინსტიტუტსკაიას ქუჩაზე ბევრი დაჭრილი და დაღუპულია.

ამის შესახებ დეპუტატი იური სიროტიუკი აცხადებს. მისი და აქციის მონაწილეების განცხადებით, დემონსტრანტებს სნაიპერები ფეხებში ან მუცელში უმიზნებენ. მსხვერპლის რიცხვი გაზრდილია, თუმცა, ევრომაიდანზე მის რაოდენობას ვერ ასახელებენ.

გავრცელდა ვიდეო და ფოტოები, სადაც ჩანს, რომ კიევის ცენტრის მიმართულებით ორი ჯავშანტრანსპორტიორი გადაადგილდება. ამავე დროს, ტავდაცვის მინისტრის ბრძანებით, დნეპროპეტროვსკიდან კიევში ჯერ კიდევ გუშინ გადაისროლეს ცალკეული საჰაერო–სადესანტო ბატალიონი, ოფიციალური ინფორმაციით, კიევში არსებული სამხედრო ბაზებისა და არსენალის დაცვის მიზნით.

აქციის მონაწილეებმა ისევ დაიკავეს გრუშევსკის ქუჩა. იქ აგებულია ბარიკადები, აქტივისტები მზად არიან ჯავშანტექნიკის მოსაგერიებლადაც.