2016-11-10 17:58

ერთიანი ნაციონალური მოძრაობის ახალი სახე და პარტიული სიის მესამე ნომერი ელენე ხოშტარია ამბობს, რომ გადაწყვეტილება არჩევნების მეორე ტურში მონაწილეობის შესახებ პარტიამ მიიღო და მიხეილ სააკაშვილიც უნდა შეეჩვიოს იმას, რომ პატივი სცეს პარტიის გადაწყვეტილებას. 

მისი თქმით, პარლამენტში შესვლაზე და მეორე ტურში მონაწილეობაზე პარტიაში იმსჯელეს და ყველას, მათ შორის, თავად მიხეილ სააკაშვილის პოზიციაც მოისმინეს, რის შემდეგაც პოლიტსაბჭო შეიკრიბა და უმრავლესობამ გადაწყვიტა, რომ პარტიამ როგორც საპარლამენტო, ასევე არასაპარლამენტო ბერკეტები უნდა გამოიყენოს:

"ჩამოვყალიბდით, რომ ქვეყნის ინტერესებიდან გამომდინარე, იმისთვის, რომ როგორც პარტია, წინ აღვუდგეთ იმ საფრთხეებს, რაც მოდის საკონსტიტუციო უმრავლესობიდან, საპარლამენტო და არასაპარლამენტო დემოკრატიული ბერკეტები უნდა გამოვიყენოთ. როცა პარტიის მიერ ერთიანად არის გადაწყვეტილება მიღებული, ვერავის ცალკე აღებულის პოზიცია გავლენას ვერ მოახდენს. მიხეილ სააკაშვილიც უნდა შეეჩვიოს იმას, რომ როდესაც პარტია იღებს გადაწყვეტილებას, ამ გადაწყვეტილებას ყველამ პატივი უნდა სცეს,” - აღნიშნა ელენე ხოშტარიამ. 

მისივე თქმით, ენმ-ის პოლიტსაბჭოს განცხადებაში გამოხატული პოზიცია აქტივისტების წინააღმდეგ არ იყო მიმართული:

“ეს განცხადება იყო მადლობა მხარდამჭერების მიმართ, რადგან მათ ზეწოლის პირობებში მოუწიათ მუშაობა და მნიშვნელოვანი იყო ეს დაგვეფასებინა. იყო კამპანიური ხასიათის სუბარი, რომ პარლამენტში შესვლა არის ღალატი, გარიგება და ასე შემდეგ. ამ პოზიციაზე ითქვა, რომ ეს ვერ იქნება პარტიის მხარდამჭერი პოზიცია,”- თქვა მან. 

შეგახსენებთ, უფრო ადრე ელენე ხოშტარიამ განაცხადა, რომ სააკაშვილი დიდი პოლიტიკური ფიგურაა და მას ვერავინ შეცვლის, მაგრამ მისი ქცევა კერპად არ შეიძლება.