2016-06-25 00:44

არასამთავრობო ორგანიზაცია „კავკასიის ტურიზმის საერთაშორისო ცენტრი“ ქობულეთში, მიმდინარე წლის 27-28 ივნისს აწყობს საერთაშორისო სემინარს.

თემა იქნება : „მდგრადი სოფლის ტურიზმი და გარემოს დაცვა - ნეგატიური და პოზიტიური ზემოქმედების ფაქტორები“. სემინარზე მოწვეულნი არიან და მოხსენებებს წაიკითხავენ დარგის წამყვანი სპეციალისტები შავი ზღვის აუზისა და ბალკანეთის ქვეყნებიდან.

სემინარი ეწყობა ევროკავშირის პროექტის ფარგლებში, რომელიც შავი ზღვის აუზის ქვეყნებში სოფლისა და ეკოლოგიური ტურიზმის განვითარების ხელშეწყობისკენაა მიმართული. სემინარში მონაწილეობს ევრო-ატლანტიკური ინტეგრაციის სახელმწიფო მინისტრის აპარატის წარმომადგელობაც.