2015-10-17 00:35

საქართველოს თავდაცვის მინისტრი თინა ხიდაშელი ტვ "იმედთან" საუბარში აცხადებს, რომ ერთადერთი სუსტი წერტილი, რომელიც 2008 წლის ომთან გვაქვს, "მშვიდობისმყოფელებზე თავდასხმაა", თუმცა, ის დასძენს, რომ როგორც იურისტს, შეუძლია დაამტკიცოს - ქართული მხარე რუს მშვიდობისმყოფელებს არ დასხმია თავს, რადგან ისინი ამ მანდატიდან გასული იყვნენ.

"ერთადერთი სუსტი წერტილი ჩვენ რაც გვაქვს, ეს არის "რუს სამშვიდობოებზე თავდასხმა". მსგავსი არგუმენტაციის საფუძველი არ არსებობს, იმიტომ რომ რუსი ე.წ. სამშვიდობოები 2008 წლის აგვისტოს დასაწყისში, არა 7 აგვისტოს, არამედ მანამდე თავად გავიდნენ იმ მანდატიდან, რა მანდატშიც მსახურობდნენ.

საქართველოს ხელისუფლების მთავარი შეცდომა ის იყო თავის დროზე, რომ მათ არ მოუხსნა სტატუსი. რესპუბლიკურმა პარტიამ ორჯერ დააყენა მათთვის სამშვიდოების სტატუსის მოხსნის საკითხი, მაგრამ ნაციონალურმა მოძრაობამ ჩააგდო ეს ინიციატივა.

ჩვენ რომ ეს მანამდე გაკეთებული გვქონოდა, ახლა უფრო თამამად ვიქნებოდით, მაგრამ კიდევ ერთხელ როგორც იურისტიც, სრული პასუხისმგებლობით ვაცხადებ, რომ რუსები თავად გავიდნენ საკუთარი მანდატიდან და ეს შეგვიძლია დავამტკიცოთ ძალიან კონკრეტული ფაქტების საფუძველზე", - აცხადებს ხიდაშელი ტელეკომპანია "იმედდთან" ინტერვიუში.