2015-10-02 02:18

საფეხბურთო კლუბ ლანჩხუთის "გურიის" 25 წლის მეკარე მიშა გოგუაძე ავტოავარიის შედეგად დაიღუპა. ტრაგიკული ავტოავარია სოფელ შუხუთში მოხდა. 

მიშა გოგუაძე "ბმვ"-ს მარკის ავტომანქანას მართავდა. ნაწვიმარზე მან საჭის დამორჩილება ვერ შეძლო, მანქანა მოსრიალდა და ღობეს დაეჯახა. მიშა გოგუაძე ქუთაისის სამედიცინო ცენტრში გადაიყვანეს, მაგრამ ის კლინიკაში მიყვანამდე გარდაიცვალა.

მიშა გოგუაძე მეორე ფეხბურთელია "გურიიდან" რომელიც ბოლო პერიოდში ავარიას ემსხვერპლა. 2014 წლის ოქტომბერში თბილისში, აღმაშენებლის ხეივნის გზატკეცილზე მომხდარ ავარიას ნახევარმცველ ნიკა კილაძის სიცოცხლე ემსხვერპლა.