2015-09-25 00:34

"ამერიკა დამყრობელია, ყველამ ვიცით, რომ მას ბევრი კოლონია ჰყავდა, რუსეთზე კი მაგას ვერ ვიტყვი", - განაცხადა ტვ "იმედთან" საუბარში პრეზიდენტის სასახლესთან დღეს გამართული აქციის ერთერთმა მონაწილემ. მისი თქმით, რუსეთს საქართველოს ტერიტორიები იმიტომ აქვს ოკუპირებული, რომ "მთავრობა აბრაზებს".

შეგახსენებთ, დღეს "ევრაზიულმა არჩევანმა" პრეზიდენტის ავლაბრის რეზიდენციასთან საქართველოს ნეიტრალიტეტისა და რუსეთთან დიპლომატიური ურთიერთობის აღდგენის მოთხოვნით აქცის გამართა. აქციას დაახლოებით 150 ადამიანი დაესწრო, ნაცვლად წინასწარ დაანონსებული ათასობით ადამიანისგან. ანონსში ნათქვამი იყო, რომ ავლაბრის მეტროსასდგურთან შეიკრიბებიან რეგიონებიდან ჩამოსული მოქალაქეები და გაიმართება მსვლელობა, რაც ავტომანქანების სავალი გზის გადაკეტვას გამოიწვევს. 

აქციის პარალელურად, "თავისუფალი ზონისა" და სხვა არასამთავრობო ორგანიზაციების წევრებმა კონტრაქცია გამართეს, სადაც ვლ. პუტინის კარიკატურაც მიიტანეს. "ესენი არიან მოღალატეები და სათითაოდ უნდა აღირიცხონ", - აცხადებდნენ ისინი. შეტაკების აღკვეთის მიზნით, პოლიციამ კონტრაქციის მონაწილეებს გზა გადაუკეტა და პრეზიდენტის სასახლესთან მიახლოების ნება არმისცა.