2015-09-24 22:40

"რუსეთი მზადაა, ურთიერთობის გაუმჯობესების მიზნით, მჭიდროდ ითანამშრომლოს ქართველ პოლიტიკოსებთან, უმეტესწილად, ოპოზიციის წარმომადგენლებთან, რომლებიც ასევე ესწრაფვიან ორ ქვეყანას შორის არსებული ურთიერთობის ნორმალიზებისკენ", -

ამის თაობაზე რუსეთის ფედერაციის საბჭოს ხელმძღვანელმა ვალენტინა მატვიენკომ სანკტ-პეტერბურგში, ევრაზიის ქალთა ფორუმზე განაცხადა. მან დაამატა, რომ აქამდე საქართველოსა და რუსეთს შორის ურთიერთობას ხელოვნურად ძაბავდნენ და რომ ამ ურთიერთობის გაუარესება რუსეთის არჩევანი არ იყო.

"ჩვენ მზად ვართ, მოლაპარაკება ვაწარმოოთ ქართველ პოლიტიკოსებთან, იქნებიან ისინი ხელისუფლებიდან თუ ოპოზიციიდან. ერთერთი ასეთი პოლიტიკოსია ქალბატონი ნინო ბურჯანაძე, რომელიც დღეს ჩვენს ფორუმზე იმყოფება. ამისთვის მას მადლობას ვუხდით", - აღნიშნა მატვიენკომ. 

შეგახსენებთ, ეს ის მატვიენკოა, რომელსაც ნიუ-იორკში წასვლის წინ აშშ-ის საელჩომ ვიზა მხოლოდ მანჰეტენზე გადაადგილების უფლებით მისცა, რის შემდეგაც მატვიენკომ აშშ-ში დაგეგმილი ვიზიტი გააუქმა.