-
2015-09-24 22:12
ირინა სარიშვილი "ფეისბუქზე" წერს, რომ რუსეთის მხარდასაჭერ აქციებს ყველა სხვა ქვეყანაში, საქართველოს გარდა, რუსი მოსახლეობა ატარებს და მხოლოდ საქართველოში უცხადებენ რუსეთს მხარდაჭერას "ქართველები".
ირინა სარიშვილი მიიჩნევს, რომ მსგავს აქციებს (დღეს "ევრაზიული არჩევანის" წარმომადგენლებმა რუსეთთან დიპლომატიური ურთიერთობის აღდგენის მოთხოვნით აქცია გამართეს, - რედ.) მოქმედი ხელისუფლება გეგმავს და ახორციელებს.
"ბალტიისპირეთში რუსეთის ინტერესებს და მასთან წაწოლას იქაური რუსები მოითხოვდნენ...
უკრაინაშიც თუ ვინმე ბედავს რუსეთის მხარდასაჭერად ამ ვითარებაში ხმის ამოღებას, იქაური რუსი მოსახლეობაა, ისიც ყველა არა...
და მხოლოდ საქართველოში რუსეთს ღიად მხარს უჭერენ და რუსეთის სახელით იმუქრებიან "ქართველები".
არა აქვს მნიშვნელობა, რომ ეს უჯიშოები ცოტანი არიან.
ასეთი ერთი შეხედვით კომიკური აქციებით ფონი იქმნება, ძალიან ცუდი ფონი.
ასეთ აქციებს დღევანდელი ხელისუფლება გეგმავს და ახორციელებს!
ზუსტად ვიცი, რასაც ვამბობ!", - წერს ირინა სარიშვილი.