2014-02-08 23:40

არასამთავრობო ორგანიზაცია "მოქალაქის" ლიდერი, ყოფილი პრემიერმინისტრი ბიძინა ივანიშვილი "პირველი არხის" გადაცემაში „შეხვედრები მწერალთა სახლში“ სტუმრის სტატუსით მონაწილეობდა.

ივანიშვილმა რამდენიმე საკითხზე გაამახვილა ყურადღება. შემაჯამებელ მასალას თან ერთვის გადაცემის სრული ვერსია ვიდეოს სახით.

ბიძინა ივანიშვილი პოლიტიკაში მისი მოსვლის შესახებ:

„ჩემი ყველაზე დიდი სიქველე ის იყო, რომ ჩემი ხასიათის სრულიად საწინააღმდეგო გადაწყვეტილება მივიღე და პოლიტიკაში მოვედი. 

„ისიც სიმბოლური იყო, რომ მოქალაქეობა ჩამომართვეს – ეს სიცოცხლის ჩამორთმევის ტოლფასი იყო, არაფერს ვაჭარბებ, ვინც იცის, რა მეთოდებით მოქმედებდა წინა ხელისუფლება, დამეთანხმება. ჩემს შემთხვევაშიც არ დაიხევდნენ უკან, მით უმეტეს, იყო ადრე მსგავსი შემთხვევები.

კარგად ვერ გააცნობიერეს ჩვენ კი კარგად დავიწყეთ, ნებიერად შევყევით და სედეგიც მივიღეთ. ჩემი კოზირი ის იყო, რომ მე კარგად ვიცნობდი ჩვენს საზოგადოებას, ჩვენს ხალხს და ყველაფერი ამაზე დაფუძნებით გავთვალე, მათ კი ისე ჰქონდათ მიგდებული ხალხი, რომ ვერ აცნობიერებდნენ“.;

ბიძინა ივანიშვილი შეუსრულებელ დაპირებებზე და ჟურნალისტებზე:

“პრესკონფერენციაზე სამ ჟურნალისტს მცდარი კითხვები ჰქონდა, განწყობა იყო ისეთი, რომ შენ შეგვპირდი, არაფერი არ გააკეთე და წახვედიო. 60 საწარმო ასად გადააქციეს და რატომ არ არის გახსნილი 100 საწარმოო. რაც ემჩნეოდა ჟურნალისტებს ის არის, რომ მე არ მაქვს უფლება მათ გავუსწორო, ეს სნობურია ჩემი აზრით. თუ კითხვაში არაკორექტულობა იგრძნობა და შევუსწორე, მაშინ ისინი დაჩაგრულებივით გამოდიან“.;

ბიძინა ივანიშვილი ვანო მერაბიშვილის ციხიდან გაყვანის შესახებ:

„რა აკვიატებები აქვთ, რა მინდა, ფული ვიშოვო და საკუთარი სამშობლო სხვას მივცე? ამაზე ეჭვი რომ კაცს უჩნდება, ის ჯანმრთელია, თუ ძმა ხარ? რა უნდა მინდოდეს? მინდა, რომ კარგად და სიყვარულით ვიცხოვრო ჩემს სამშობლოში.

მთავარ თემას, რასაც აწვებიან გარეთ თუ შიგნით, თურმე მთავარმა პროკურორმა ბრალდებული მერაბიშვილი მოიტაცა, ამაზე დიდი აბსურდი წარმოგიდგენიათ?

სტრასბურგის სასამართლოს ჩანაწერში წერია, რომ მერაბიშვილი და სააკაშვილი გირგვლიანის საქმეს ხელს აფარებდნენ და მალავდნენ, მერაბიშვილს კი ახლა სურს, მთელი მსოფლიო ფეხზე დააყენოს, რომ მთავარმა პროკურორმა კამერიდან მოიტაცა.

რა უქნა, გააუპატიურა, ნამუსი ახადა, თუ რა ქნა? ამაზე დიდი აბსურდი გაგიგიათ? ამ ანეკდოტზე დავიდნენ“.