2015-03-12 14:50

რუსეთის პრეზიდენტის ვლადიმერ პუტინის ავადმყოფობის შესახებ გავრცელებულმა ინფორმაციამ ათასი მითქმა-მოთქმა გააჩინა.

კვლავ გაჩნდა ინფორმაციები იმის შესახებ, რომ პუტინს ავთვისებიანი სიმსივნე აქვს.

სოციალურ ქსელებში პუტინის ერდოღანთან 2012 წლის ვიზიტი გაიხსენეს, როდესაც მას სავარძელში დაჯდომა გაუჭირდა.

მაშინ ისიც ითქვა, რომ პუტინს ტკივილები ზურგის არეში აქვს. ამავე პერიოდში „როიტერმა“ რუსეთის ხელისუფლებაში საკუთარ წყაროზე დაყრდნობით გაავრცელა ინფორმაცია, რომ რუსეთის პრეზიდენტს შესაძლოა ოპერაცია დასჭირდეს.

ასევე გავრცელდა ინფორმაცია, რომ პუტინი ორთოპედიული კორსეტით გადაადგილდებოდა. გაიხსენეს 2012 წელს კრემლში ჩატარებული დაჯილდოვების ცერემონიაც, რომლის დროსაც პუტინი  ტრიბუნას ხელით დაეყრდნო და დიდხანს ვერ მოშორდა.

მაშინ გაჩნდა მოსაზრება, რომ პუტინს დიდხანს ფეხზე დგომა არ შეუძლია, რადგან ხერხემლის პრობლემები აქვს. ამავე პერიოდში პუტინმა საზღვარგარეთ რამდენიმე ვიზიტიც გადადო.

აღსანიშნავია ისიც, რომ წინა წლებისგან განსხვავებით, პუტინის პრესმდივანმა პესკოვმა „როიტერის“ მიერ გავრცელებულ ინფორმაციაზე კომენტარის გაკეთება არ ისურვა.

შეკითხვაზე თუ საიდან აქვს „ როიტერს“ ეს ინფორმაცია, პესკოვმა რუსი ჟურნალისტები კვლავ „როიტერთან“ გადაამისამართა, ყაზახეთში გადადებულ ვიზიტს კი მხარეების ერთობლივი შეთანხმება უწოდა.

http://pirveliradio.ge/