ფინანსთა სამინისტროსთან მინისტრის გადადგომის მოთხოვნით აქცია გაიმართა. სამი არასაპარლამენტო ოპოზიციური პარტიის წარმომადგენლები ქვეყანაში შექმნილ ეკონომიკურ ვითარებას აპროტესტებენ.
მონაწილეებმა ნოდარ ხადურთან შეხვედრას ცდილობდნენ, თუმცა შენობაში შესვლის უფლება მათ დაცვამ არ მისცა. ადგილი ჰქონდა მცირე დაპირისპირებასაც.
აქციის მონაწილეები აცხადებდნენ, რომ საქართველოში შექმნილ კრიზისა და ეროვნული ვალუტის გაუფასურებას მთავრობა ვერ დაძლევს, ამიტომ მინისტრები უნდა გადადგნენ.
ამ მოთხოვნებით აქციების გამართვა სხვადასხვა სამთავრობო შენობის წინ იგეგმება.