-
2014-02-03 23:53
თვითგამოცხადებული და რუსეთის მიერ აღიარებული „სამხრეთ ოსეთის რესპუბლიკის“ პრეზიდენტი ლეონიდ თიბილოვი უშუალოდ ვლ. პუტინის მიწვევით აღმოჩნდა იმ „სახელმწიფოს მეთაურებს“ შორის, რომლებიც სოჭის ოლიმპიადის გახსნას“ დაესწრებიან.
ინფორმაცია იმის შესახებ, რომ თიბილოვი სოჭის ოლიმპიადის გახსნაზე გამგზავრებას აპირებს, რუსულმა მედიამ გაავრცელა.
„ლეონიდ თიბილოვი მიწვეულია ოფიციალურ მიღებაზე, რომელიც ოლიმპიადის აღსანიშნავად ვლადიმირ პუტინის სახელით ტარდება და სადაც მონაწილეობენ მსოფლიოს 40–ზე მეტი ქვეყნის მეთაურები და მთავრობის წარმომადგენლები“, – აცხადებენ ლეონიდ თიბილოვის პრესსამსახურში.
თავად თიბილოვმა ამ თემის კომენტირებისას განაცხადა, რომ მისთვის პატივია სოჭში გამგზავრება და იქ რუსეთის ნაკრების გულშემატკივარი იქნება. მისივე თქმით, რუსეთის ნაკრებს უგულშემატკივრებენ ასევე, მისი „თანამემაულეები სამხრეთ ოსეთიდან“.