2015-02-22 11:56

ვლადიმირ პუტინისა და „ღამეული მგლების“ ლიდერის ალექსანდრე ზალდასტანოვის, იგივე „ქირურგის“ (ერთერთი ვერსიით, მისი ნამდვილი გვარი ზალდასტანიშვილია) ბიოგრაფიების შედარება და საინტერესო დეტალები.

ვლადიმირ პუტინი:

1985-1990 წლებში ის გდრ-ში მუშაობდა. ის დრეზდენის ტერიტორიულ სადაზვერვო წერტილში მუშაობდა, დრეზდენში არსებული სსრკ-გდრ-ის ხალხთა მეგობრობის კლუბის დირექტორის საფარქვეშ. იქ მივლინების პერიოდში ნამსახურების წლოვანების მიხედვით მიენიჭა პოდპოლკოვნიკის ჩინი, ხოლო თანამდებობრივად გახდა სუკ-ის განყოფილების უფროსის თანაშემწე.

ალექსანდრე ზალდასტანოვი, „ქირურგი“:

1985 წელს ზალდასტანოვი დაქორწინებული იყო გერმანელ ქალბატონზე, ხშირად სტუმრობდა ბერლინს. შემდეგ ისინი დაშორდნენ. მუშაობდა მცველად როკ-ენ-როლის კლუბ „Sexton“-ში, დასავლეთ ბერლინში. როგორც მცველებისთვისაა დამახასიათებელი, სავარაუდოდ, ვაჭრობდა „ბალახით“, რის შემდეგაც „შტაზმა“ აიყვანა და მოხვდა სსრკ-ს საელჩოში, დეპორტაციის კუთხით. ის არ გაუდეპორტებიათ, მიიღო გადაბირების შეთავაზება სუკ-ის ოფიცრებისგან და დარჩა გდრ-ში.  

სწორედ ბერლინში შეისწავლა და აითვისა მან მოტოთემა. 1990-იან წლებში ხშირად სტუმრობდა ბერლინს, კერძო ვიზიტებით. მოსკოვში ბაიკერთა კლუბი Sexton ჩამოაყალიბა. ამ კლუბმა 2014 წლის 28 სექტემბერს დონბასის მხარდასაჭერად გრანდიოზული კონცერტი ჩაატარა, რომელიც რუსული ტელევიზიების პირდაპირ ეთერში გადაიცემოდა. კლუბი „ანტიმაიდნის“ იდეის გავრცელებას ემსახურება.

შეგახსენებთ, რომ „Ночные волки“  საქართველოშიც იმყოფებოდნენ და მათ 2013 წლის 14 ოქტომბერს მცხეთაში, სვეტიცხოვლობის დღესასწაულზე, წმინდა ადგილები მოილოცეს.

ბაიკერები აცხადებდნენ, რომ საქართველოში რუსეთს დაქვემდებარებული უკრაინის საპატრიარქოსა და საქართველოს საპატრიარქოს შორის მიღწეული შეთანხმების მიხედვით ჩამოვიდნენ. მათ „ქირურგი“ მეთაურობდა. ამ თემაზე მომზადებული „მოამბის“ სიუჟეტი მასალას თან ერთვის.