2015-02-16 14:59

დეპუტატი, ზურაბ ზვიადაური აცხადებს, რომ „რესპუბლიკურ პარტიაში“ იმ პირებთან აქვს პრეტენზია, რომლებიც მას ჩირქს ცხებენ.

„ჰკითხეთ კოალიციაში შემავალ სხვა პარტიებს რა ხდება რაიონში, ვინ არის ზვიადაური, რას აკეთებს ის ახმეტაში და ვინ არის ზაქრო ქინქლაძე, მეტსახელად „ჯორი“…

როცა ჩვენ ხელისუფლებაში მოვედით ზაქრო ქინქლაძე საკრებულოს თავმჯდომარედ დაინიშნა. ამავდროულად ბექა ბადაური დაინიშნა გამგებლად…

საკრებულოს წევრებმა დაინახეს როგორ მოქმედებდა ზაქრო ქინქლაძე. მან მოინდომა გამგეობა ხელში აეღო და ბაიდაურს უჩივლა.

ინკოგნიტო წერილი შეიტანა პროკურატურაში, რომ ბექა ბაიდაურს პასპორტში გადაკეთებული ჰქონდა ასაკი და ეს იყო კანონდარღვევა.

ბაიდაური საქართველოს სამგზის ჩემპიონია ძიუდოში, სპორტსმენები ხშირად მიმართავენ ამ მეთოდს, ასაკის გადაკეთებას, მაგრამ ეს პოლიტიკასთან რა კავშირშია, არ ვიცი. თან ეს მუხლი ამინისტირებული იყო. ეს არ არის გუნდურობა.

ამით ქინქლაძეს სურდა ბექა ბაიდაური გაეთავისუფლებინათ დაკავებული თანამდებობიდან, თავისი კანდიდატურა წამოეყენებინა გამგებლის თანამდებობაზე და საკრებულოსთან ერთად გამგეობაც ხელში ჩაეგდო.

გადახედეთ მონაცემებს – როგორც კი საკრებულოს თავმჯდომარედ დაინიშნა მოიმატა ხელფასი და მაქსიმალური პრემიები დაინიშნა. ეს დაინახეს კოალიციაში შემავალმა სხვა პარტიებმაც, ბრმა არავინაა და ზაქრო ქინქლაძე გაათავისუფლეს დაკავებული თანამდებობიდან“, – ამბობს ზურაბ ზვიადაური.

„პრაიმტაიმი“