2014-12-27 14:23

ქვეყანას სჭირდება საკუთარ თავში დარწმუნებული პრემიერ-მინისტრი გეგმით, თუმცა ეს გუშინდელ პრესკონფერენციაზე არ გამოჩნდა,–ამის შესახებ თავდაცვის ყოფილმა მინისტრმა ირაკლი ალასანიამ გადაცემა ,,რეაქციაში“ განაცხადა.

ალასანიამ ირაკლი ღარიბაშვილს ურჩია, რომ საკუთარი დღის წესრიგი წარსულის მიხედვით არ შექმნას, და მიხეილ სააკაშვილზე ფიქრსაც დაანებოს თავი, რადგან ის წარასულია.

,,მთავრობის მხრიდან კონკრეტულ გეგმას ველოდებით. დღეს ეს ვერ დავინახე. ქვეყანას სჭირდება მყარი, საკუთარ თავში დარწმუნებული პრემიერ-მინისტრი გეგმით, თუმცა ეს ვერ დავინახე. მინდა რჩევა მივცე ღარიბაშვილს, რომ დღის წესრიგს წარსულით არ უნდა იქმნიდეს. მე სააკაშვილზე ფიქრს გავანებე თავი, როდესაც გავიმარჯვეთ საპარლამენტო არჩევნებში. მე დავიწყე ფიქრი, რა უნდა გამეკეთებინა თავდაცვის სამინისტროში. ძალიან ბევრი რამე შეიცვალა. ჩვენ არ ვსაზღვრავდით დღის წესრიგს წარსულით. პრემიერ-მინისტრს უნდა ეთქვა თუ რას გააკეთებს კონკურენციისთვის, ბიზნესისთვის, თუმცა ეს არ გაუკეთებია", - აღნიშნა გუშინ ალასანიამ.