2014-01-30 14:07

ბიზნესმენ ცეზარ ჩოჩელის სასამართლო პროცესი მეოთხედ გადაიდო. გავრცელებული ინფორმაციის თანახმად, პროკურატურამ შპალის ქარხანასთან დაკავშირებით, სასამართო პროცესის გადატანა მოითხოვა.

მიზეზად, პროკურატურის მხრიდან, მოწმეების დაკითხვა და მორიგი რევიზიის ჩატარება დასახელდა:

"გუშინ, კიდევ ერთხელ, ამჯერად უკვე მეოთხედ, პროკურატურამ შპალის ქარხანასთან დაკავშირებით, სასამართლოს მიმართა სასამართო პროცესის გადატანის მოთხოვნით. მიზეზი, პროკურატურის მხრიდან, მოწმეების დაკითხვა და მორიგი რევიზიის ჩატარების აუცილებლობაა.

(ცნობისთვის: გამოძიება, შპალის ქარხანასთან დაკავშირებით, წელიწადზე მეტია რაც მიმდინარეობს) ბატონებო, თუ ეს ყველაფერი იყო გასაკეთებელი, თუ არ არსებობდა მოწმის ჩვენება და რევიზიის დასკვნა, მაშინ რის საფუძველზე დააყადაღეთ 5 წარმოება? რის გამო დატოვეთ ათასზე მეტი ადამიანი უმუშევრი? რატომ დააკელით ბიუჯეტს მილიონობით ლარი და ბოლოს, რა მიზეზით ანადგურებთ ადგილობრივ წარმოებას???", - აცხადებენ ჩოჩელის წარმომადგენლები.