კიკეთში მეგობრის მიერ ჩაცხრილული ნიკა ნატროშვილის დედა იმ ადამიანების მადლიერია, ვინც მისი ოჯახის გასაჭირი გულთან მიიტანა და მძიმე მდგომარეობაში მყოფ ნიკას თავისი თანადგომა გამოუცხადა.
„უღრმესი მადლობა ყველას და კიდევ ერთხელ უნდა მოგიხადოთ ბოდიში.
მე ავაწრიალე ასი ათასობით ადამიანი, შევაწუხე ყველა. ამის გამო მრცხვენია და მეუხერხულება; ქუჩაში დავდივარ თავდაწეული, რომ არ შემხედონ სახეზე.
უღრმესი მადლობა ყველას, ხალხნო. ნიკას მეგობრებმა გადაწყვიტეს, რომ ჩაატარონ კონცერტი-აქცია, რომელშიც მონაწილეობას იღებენ ჩვენი მომღერლები და მუსიკოსები. ყველას წინასწარ უღრმესი მადლობა.
ახალი წლების შემდეგ უკვე ჩემი მეგობრები აპირებენ დიდი ღონისძიების ჩატარებას სპორტის სასახლეში.
ალბათ კიდევ ერთხელ შეგაწუხებთ, თუ მობრძანდებით ამ კონცერტზე, ღმერთმა დაგლოცოთ, გაგახაროთ, შვილები გიმყოფოთ ჯანმრთელად, რადგან ამაზე ძვირფასი არაფერი არ არის ამქვეყნად და არც ამაზე მტკივნეული, როცა შვილს რაღაც საფრთხე ემუქრება. კიდევ ერთხელ უღრმესი მადლობა", - მიმართა ნიკა ნატროშვილის დედამ მოსახლეობას.
