2014-01-30 04:17

საპარლამენტო უმცირესობის დეპუტატი დავით საყვარელიძე „ნაციონალური მოძრაობის“ დისკრედიტაციის მცდელობით დაკავებულებს ვანო მერაბიშვილისგან ალიყურს ჰპირდება.

ამის შესახებ დავით საყვარელიძემ „ფეისბუქის“ საკუთარ გვერდზე დაწერა, გამოეხმაურა რა 2009 წლის მუხროვანის ამბოხების ამსახველი ვიდეომასალის გამოქვეყნებას:

„უიშვიათესი სნეულება შეეყარა საქართველოს!

მოქმედი ხელისუფლება დღეის მდგომარეობით „ნაციონალური მოძრაობის“ ოპოზიციაშია და მხოლოდ ამ ფუნქციაში ხედავენ ქვეყნის მართვის შინაარსს!

ხვალ ვანო მერაბიშვილისგან კიდევ ერთ ალიყურს ვპირდები მათ, ვისაც საქართველოს მართვა ქალაქობანას ან სახლობანას თამაში გონია და სახლში მარტო დარჩენილი ბავშვივით მავნებლობენ“, – წერს დავით საყვარელიძე.