2014-01-29 22:40

საქართველოს პრეზიდენტმა გიორგი მარგველაშვილმა „საზოგადოებრივი მაუწყებლის“ ეთერში ვიდეოპორტალებსა და სოციალურ ქსელებში გავრცელებულ კადრებზე ისაუბრა, სადაც მუხროვანში მომხდარი ამბოხების დეტალია აღბეჭდილი.

პრეზიდენტის განცხადებით, ვიდეოს შესახებ ის კომენტარს ვერ გააკეთებს და მისი ავთენტურობის დადგენა პროკურატურის პრეროგატივაა:

„ამ თემას ამ ეტაპზე პოლიტიკურ შეფასებას ვერ მივცემთ. ეს არის კადრები, რომელიც პროკურატურის ინტერესის საგანი უნდა გახდეს. კადრებში ზოგიერთი ადამიანი ბარლდებულია, ზოგიერთზე მიმდინარეობს გამოძიება. ბუნებრივია, მე არანაირ კომენტარს არ გავაკეთებ, რომ არ დაირღვეს უდანაშაულობის პრეზუმფცია.

ამ კადრების ავთენტურობა პროკურატურის საქმეა. ჩვენ ვცხოვრობთ ისეთ ქვეყანაში, სადაც ამ რეალობის განხილვა პოლიტიკური დებატების საგანი არ არის. ეს არის სამართალდამცავი ორგანოების საქმე“, - განაცხადა პრეზიდენტმა მარგველაშვილმა.