-
2014-01-29 18:20
ქართული სამხედრო პროდუქციის დიზაინერი ზვიად ციკოლია, რომელიც წარმოების შეჩერებისა და შესაძლო დევნის გამო იძულებული გახდა, საქართველო დაეტოვებინა, აღნიშნავს, რომ ქართული სამხედრო წარმოება პირადად ბაჩო ახალაიას და რეზო ჭარბაძის ინიციატივაა.
ზვიად ციკოლია სტატუსით ეხმიანება მოქმედი ხელისუფლების წარმომადგენელთა გუშინდელ განცხადებებს და მათი მხრიდან „დიდგორში“ პოზირებას:
„... რაც შეეხება გუშინდელ "პიარ აქციას" და ბედნიერ სახეებს ეგ პირიქით კარგიც არის:) ყველას კარგად ახსოვს, სულ რაღაც ერთი წლის წინ რა კრიტიკის ქარცეცხლში გაატარეს ქართული სამხედრო მრეწველობა და წარმოებული პროდუქცია (მათი შემქნელების მიმართ ლანძღვა გინებაზე უკვე აღარაფერს ვამბობ).
ეგ იმას ნიშნავს, რომ მიუხედავად პოლიტიკური და პიროვნული შუღლისა, მაინც აღიარეს ამ ტექნიკის და მისი შემქნელების წარმატება. რაც არ უნდა გააშუქონ და სიუჟეტები აკეთონ, ყველამ იცის, რომ ქართული სამხედრო წარმოება და პროდუქცია პირადი დამსახურებაა ყოფილი თავდაცვის მინისტრის ბაჩანა ახალაიასი და „დელტას“ ყოფილი დირექტორის რეზო ჭარბაძის.
ამას ემატება ის რამოდენიმე ათასი ადამიანი, ვინც ამ პროექტში იყო ჩართული. რაც შეეხება მაგ კონკრეტულ მანქანას, ეგ ჯერ კიდევ რეზო ჭარბაძის დროს იყო შექმნილი და დიდად არც არავის უფიქრია მაგის "გაპიარება"...“, - წერს ზვიად ციკოლია.