2014-12-09 19:06

10 დეკემბერს, 20.00 სთ-ზე, რუსთაველის თეატრში  საქველმოქმედო ფონდი „დაცული საზოგადოება“ საქველმოქმედო    კონცერტს გამართავს.

საქველმოქმედო ფონდი „დაცული საზოგადოება“ მიმდინარე წლის 9 ოქტომბერს ჩამოყალიბდა სოპრანო თამარ ივერის თაოსნობით. მონაწილეობას მიიღებენ   საერთაშორისო კონკურსების გამარჯვებული, ვენის სახელმწიფო ოპერის ( Wiener Staatsoper) Eberhard Wächteris  საპატიო ჯილდოს მფლობელი, სოპრანო თამარ ივერი  და მისი მეგობრები, მსოფლიო სცენის ვარსკვლავები  გიორგი გაგნიძე ,ირაკლი კახიძე, ცნობილი გერმანელი მევიოლინე სოფია მოზერი და თბილისის საოპერო თეატრის ოკესტრი- დირიჟორი ზაზა აზმაიფარაშვილი.

ქალებზე , ოჯახური ძალადობის მსხვერპლთა რიცხვის საგრძნობი მატების სტატისტიკიდან გამომდინარე,   საქველმოქმედო  ფონდმა „დაცული საზოგადოება“  გადაწყვიტა პირველი კონცერტი ოჯახური ძალადობისაგან დაცვის თემას მიეძღვნას .  კონცერტიდან შემოსული თანხა მთლიანად   გადაირიცხება  ქალთა თავშესაფარში, რომელშიც ოჯახური ძალადობის მსხვერპლი ქალები არიან მოთავსებული. (ხშირ შემთხვევაში მცირეწლოვან ბავშვებთან ერთად).

ფონდის მიზანია ყველა ტიპის ძალადობის მსხვერპლთა დაცვა.

ღონისძიების საორგანიზაციო ჯგუფი: კომპანია RaRtner (პარტნიორი)

მხარდამჭერები: საქართველოს კულტურისა და ძეგლთა დაცვის სამინისტრო, თბილისის მერია, არტ პალასი, რედისონი, ლუფთჰანზა, თბილისის საკრებულო, ქართულ-ამერიკული კლინიკა MEDICAL HOUSE , თბილისის საკრებულო.

საინფორმაციო მხარდაჭერა ; ტელეკომპანია რუსთავი2, რადიო არ დაიდარდო, ფორტუნა.