2014-11-15 20:40

პუბლიცისტი ირაკლი კაკაბაძე „ფეისბუქის“ პირად გვერდზე რუსთაველზე გამართულ აქციას ეხმაურება.

„ამ ხელისუფლებას მე მგონი „ნაცების“ დაბრუნება უნდა ხელისუფლებაში. მანიაკი სააკაშვილის ასეთი გამოყვანა, რომელშიაც ამდენი სახსრები დაიხარჯა, პირდაპირ მიანიშნებს, რომ საქართველოს მთავრობა არაფერს ან ვერაფერს აკეთებს, რომ ნაციზმის საფრთხე კიდევ ერთხელ არ დაბრუნდეს საქართველოში.

ჩემი პრეტენზიები საქართველოს ამდროინდელი ლენჩი მთავრობის მიმართაა, რომელიც ვერაფერს ან არაფერს ახერხებს ამ სასიკვდილო საფრთხის წინააღმდეგ ბრძოლაში, რომელიც განათლებაზე არ ფიქრობს, რომელიც ქართული სულის აღორძინებაზე არ ფიქრობს, რომელსაც ღატაკი და ღარიბი დაივიწყეს, რომელშიც პოლიციური სახელმწიფო ნაცი ბანდიტების ქონების მეტს არავის და არაფერს იცავს!

ირაკლი ღარიბაშვილო, გონს მოდი დროზე და დაიწყე ქართველი ერის სამსახური და ნუ ემსახურები მხოლოდ ნაცებით გამოტენილ სტრუქტურებს!" - წერს ირაკლი კაკაბაძე.