სანდრო გირგვლიანის საქმეზე სასამართლო პროცესზე დაკითხვის დროს ირაკლი ოქრუაშვილმა გაიხსენა, რომ მიხეილ სააკაშვილი გირგვლიანის საქმეზე თანაგუნდელების დასჯის წინააღმდეგი იყო და ამბობდა, რომ მათი დასჯა გუნდის ჩამოშლას გამოიწვევდა.

მომღერალი ნინო ჩხეიძე სოჭში მისი მონაწილეობით გამართულ კონცერტთან დაკავშირებით გაჩენილ აზრთა სხვადასხვაობას ეხმიანება. ის წერს, რომ კონცერტზე დამსწრეთა 98% პროცენტი ქართველი იყო და რომ მზადაა, მათთვის ყველგან იმღეროს, სადაც დაუძახებენ. ნინო ჩხეიძის განმარტებით, მისი კონცერტი პოლიტიკური არ იყო.

“ქრონიკა +“-ის მთავარმა რედაქტორმა საქართველოს პროკურატურაში სუსის უფროსის მოადგილის სოსო გოგაშვილის წინააღმდეგ საჩივარი შეიტანა და  თანამდებობრივი უფლებამოსილების გადამეტების და სავარაუდოდ, უკანონო შემოსავლების ლეგალიზაციის ფაქტებზე გოგაშვილის წინააღმდეგ გამოძიების დაწყება მოითხოვა.

თბილისში საკონსტიტუციო ცვლილებების პროექტის განხილვა ჩაიშალა. როგორც ცნობილია, დღეს ფილარმონიის დიდ დარბაზში საკონსტიტუციო ცვლილებების სახალხო განხილვების პირველი ეტაპი უნდა დასრულებულიყო.

უკრაინაში დაღუპული ქართველი მებრძოლი დავით სიხარულიძე, რომელიც 12 მაისს დონეცკის რეგიონის სოფელ ნოვოლუგანსკთან სნაიპერის ტყვიამ იმსხვერპლა, სამშობლოში ჩამოასვენეს.

ევროპის ჩემპიონი, მოჭიდავე ზურაბ დათუნაშვილი დაჭრილია. ინფორმაციას "იმედი" ავრცელებს. სპორტსმენს ჭრილობა ცივი იარაღით აქვს მიყენებული.

რიგით 62-ე ევროფესტივალის გამარჯვებულმა, პორტუგალიის წარმომადგენელმა სალვადორ სობრალმა საფინალო კონცერტის დასასრულს სიმღერა Amar Pelos Dois ამჯერად დასთან, ლუიზა სობრალთან ერთად შეასრულა. სიმღერის ავტორი სწორედ ლუიზა სობრალია.

სახელმწიფო აუდიტის სამსახურის უფროსის დაკითხვა მიმდინარეობს. საგამოძებო უწყების წარმომადგენლები ალადაშვილის კლინიკაში ცოტა ხნის წინ მივიდნენ.

სახელმწიფო აუდიტის ხელმძღვანელი თავდასხმაში ყოფილ მთავარ პროკურორ, ოთარ ფარცხალაძეს ადანაშაულებს.

სონერ გოგუა, რომელთან ერთადაც საქართველოს საპარტნიორო ფონდის ხელმძღვანელი დავით საგანელიძე ჩინეთში გამართულ ფორუმში მონაწილეობს და საერთო ფოტოებიც აქვს გადაღებული, და რომელზეც მან განაცხადა, რომ ის არა დე ფაქტო აფხაზეთს, არამედ რუსეთს წარმოადგენდა, აფხაზეთიდან რეპატრიანტია, 1992 წლამდე თურქეთში ცხოვრობდა და, როგორც ერთერთ ინტერვიუში 2014 წელს ამბობდა, აფხაზეთში დაბრუნების შემდეგ არც აფხაზური იცოდა და არც რუსული.