საარჩევნო კამპანიას ,,ერთიანი ნაციონალური მოძრაობა" ზუგდიდიდან დაიწყებს. 12 აპრილს შეკრება ილიას ძეგლთან გაიმართება, ამის შესახებ ,,ნაციონალური მოძრაობის" წევრი ნუგზარ წიკლაური აცხადებს.

რუსი ოკუპანტები გალის რაიონში ენგურის სანაპირო ზოლზე მოსახლეობის აყრას გეგმავენ. ინფორმაციას ამის შესახებ ,,აქცენტი“  ადგილობრივებზე დაყრდნობით  ავრცელებს. როგორც გამოცემას განუცხადეს, აღნიშნულთან დაკავშირებით აღწერა უკვე ჩატარებულია.

ბათუმიდან სოჭის მიმართულებით საზღვაო მიმოსვლა აღდგენილია. ამ რეისს კომეტა შეასრულებს. სოჭიდან ბათუმში კომეტა პარასკეობით, ბათუმიდან სოჭში კი ხუთშაბათობით იმოძრავებს.

გიგი უგულავას სიმამრი ხვალ დაკითხვაზე დაიბარეს, მაგრამ როგორც ქალაქის უფლებაშეჩერებული მერი წერს, ამ ინფორმაციის გავრცელების შემდეგ  კილაძეს სახლში პროკურატურიდან ბრალის წარსადგენად მიაკითხეს.

ჩუღურეთის რაიონში ავარიული საცხოვრებელი სახლების გამაგრებითი სამუშაოები დაიწყო.როგორც გამგეობასი აცხადებენ, ჩუღურეთის რაიონის ერთ-ერთ ძირითად პრობლემად დღემდე რჩება ავარიული სახლები და სახურავები. მიმდინარე წელს გამგეობაში უკვე შემოსულია 37 განცხადება ავარიული სახლების კაპიტალური შეკეთების თხოვნით, ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, თანადაფინანსების გზით.

ჩუღურეთის რაიონის გამგებელი დავით დაღელაშვილი ჩუბინაშვილის ქ.#49-ში მცხოვრებ მოსახლეობას შეხვდა, გაეცნო მათ პრობლემებსა და დახმარებას დაჰპირდა.

საპარლამენტო უმცირესობის წევრი ირმა ნადირაშვილი წერს, რომ პროკურატურამ ბრალდებულის სტატუსით დაიბარა გიგი უგულავას მძიმედ ავადმყოფი სიმამრი.

ტრისტან წითელაშვილი, რომელმაც რუსულ ტელეარხებს განუცხადა, რომ კიევში სნაიპერთა ერთ ჯგუფს გია ბარამიძე და გივი თარგამაძე ხელმძღვანელობდნენ, კოდაში დისლოცირებული ბრიგადის მეთაურის მოადგილედ ყოფნისას იარაღით ვაჭრობაში იყო შემჩნეული.

ბათუმი-სარფის მონაკვეთზე კილომეტრნახევრიანი საცობია. გონიოს მონაკვეთზე ბათუმი-სარფის ცენტრალური მაგისტრალზე აქციის მონაწილეებმა გზა გადაკეტეს. ადგილზე  როგორც აქციის მონაწილეები აცხადებენ, მოსახლეობა ითხოვს გონიოს მიწების საკუთრებაში დაკანონებას. 

დაზიანებული გზებით შეწუხებულმა უკრაინელებმა ორიგინალური პროტესტის ხერხს მიმართეს. უკრაინის ქალაქ კოლომნიას მაცხოვრებლებმა საავტომობილო გზებზე გაჩენილ ორმოებში ყვავეილები ჩარგეს.