საქართველოს საგარეო საქმეთა მინისტრი ბრიუსელშია.
მაია ფანჯიკიძე ბრიუსელში ნატო-ს მინისტერიალზე
დასასწრებად გაემგზავრა, სადაც "აისაფის" სხდომაში
მიიღებს მონაწილეობას.ფანჯიკიძე ორმხრივ შეხვედრებს
გამართავს. მათ შორის შეხვდება ამერიკის შეერთებული
შტატების სახელმწიფო მდივან ჯონ ქერის. შეხვედრაზე
საუბარი შეეხება ამერიკისა და საქართველოს
ურთიერთობებს და ქარტიის ფარგლებში მუშაობის
კონკრეტულ საკითხებს.

NDI-ის კვლევის თანახმად, საქართველოს პრემიერ-მინისტრი ბიძინა ივანიშვილი
გამოკითხულთა 75%-ს მოსწონს, პრეზიდენტი მიხეილ სააკაშვილი კი -
25%-ს. როგორც NDI-ის საქართველოს ოფისის დირექტორმა ლუის ნავარომ
სასტუმრო "ქორთიარდ მარიოტში" გამართულ პრეზენტაციაზე განაცხადა, ბიძინა
ივანიშვილის მოწონების მაჩვენებელი, წინა კლვლევასთან შედარებით, 5%-ით
შემცირდა. პრემიერი ნოემბერში გამოკითხულთა 80% მოსწონდა.
NDI-ის კვლევის თანახმად, საქართველოს მოსახლეობაში სრულიად
საქართველოს კათოლიკოს-პატრიარქის, მცხეთა-თბილისის მთავარეპისკოპოსის,
ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის
გარდა, თითქმის ყველა პიროვნების მოწონების რეიტინგმა დაიკლო. კვლევის
მიხედვით, გამოკითხულთა 92% აცხადებს, რომ პატრიარქი მოსწონს.
კვლევის თანახმად, თითქმის არ შეცვლილა პარლამენტის თავმჯდომარის
დავით უსუფაშვილისა და უმცირესობის ლიდერის დავით ბაქრაძის რეიტინგები.
უსუფაშვილი მოსახლების 66% მოსწონს, ხოლო ბაქრაძე - 48%.
რაც შეეხება პრეზიდენტის რეიტინგს, მიხელ სააკაშვილი გამოკითხულთა 25%
მოსწონს.
NDI-ის კვლევის საველე სამუშაოები 13-27 მარტის პერიოდში საქართველოს
მასშტაბით 3103 პირისპირ ინტერვიუს წარმომადგელობითი შერჩევის
საფუძველზე ჩატარდა. ცნობისთვის, NDI-ის კვლევებს შვედეთის საერთაშორისო
განვითარების და თანამშრომლობის სააგენტო (Sida) აფინანსებს და კავკასიის
კვლევითი რესურსების ცენტრი (CRRC) ატარებს.

NDI-ის კვლევის მიხედვით, გამოკითხული მოსახლეობის 56% მიიჩნევს,
რომ ყველაზე ძლიერი ოპოზიციური პარტია არის "ერთიანი ნაციონალური
მოძრაობა", - ამის შესახებ ნათქვამია კვლევაში, რომლის პრეზენტაციაც
სასტუმრო "ქორთიარდ მარიოტში" NDI-ის ოფისის ხელმძღვანელმა
საქართველოში ლუის ნავარომ გამართა.
კითხვაზე, რომელ პოლიტიკურ პარტიას მიიჩნევთ ყველაზე ძლიერ
ოპოზიციურ პარტიად, 56% აცხადებს, რომ ეს არის "ნაციონალური
მოძრაობა", 6% ამბობს, რომ "ქართული ოცნება", "ლეიბორისტული პარტია"-
2%, "ქრისტიან-დემოკრატიული მოძრაობა" – 1%, "თავისუფალი საქართველო" –
1%, "დემოკრატიული მოძრაობა თავისუფალი საქართველო" – 1%.
NDI-ის კვლევა 13-27 მარს ჩატარდა და სულ გამოიკითხა 3103 ადამიანი.

საქართველოს პრემიერ-მინისტრი სტრასბურგში ვიზიტის ფარგლებში
ევროპის საბჭოს საპარლამენტო ასამბლეის პრეზიდენტს შეხვდა. შეხვედრაზე
ბიძინა ივანიშვილმა და ჟან კლოდ მინიონმა საქართველოს მიერ ნაკისრი
ვალდებულებების შესახებ იმსჯელეს. პრემიერ-მინისტრმა აღნიშნა, რომ
საქართველო ევროპის საბჭოსთან ინსტიტუციური დიალოგის გაგრძელებას დიდ
მნიშვნელობას ანიჭებს და უფრო აქტიურ თანამშრომლობას ელოდება.
შეხვედრას საქართველოს საგარეო საქმეთა მინისტრი მაია ფანჯიკიძე,
იუსტიციის მინისტრი თეა წულუკიანი, პარლამენტის საგარეო ურთიერთობათა
კომიტეტის თავმჯდომარე თედო ჯაფარიძე, პარტია "ქართული ოცნება-
დემოკრატიული საქართველოს" აღმასრულებელი მდივანი არმაზ ახვლედიანი
და ევროპის საბჭოში საქართველოს მუდმივი წარმომადგენლის მოვალეობის
შემსრულებელი ირაკლი გივიაშვილი დაესწრნენ.
შეხვედრის დაწყებამდე ბიძინა ივანიშვილმა ევროპის საბჭოს "ოქროს წიგნში"
ხელმოწერაც დატოვა.
"კეთილი იყოს თქვენი მობრძანება საკუთარ სახლში, - ასეთი მისალმებით
დაიწყო ჟან კლოდ მინიონმა შეხვედრა ჩვენთან და ასეთი განწყობა გვაქვს
ჩვენც - საქართველო უნდა დაბრუნდეს ევროპულ სახლში", - აღნიშნა ბიძინა
ივანიშვილმა.

საქართველოს პრემიერ-მინისტრი სტრასბურგში გუშინ გაემგზავრა. ვიზიტის

ფარგლებში ბიძინა ივანიშვილი ევროსაბჭოს საპარლამენტო ასამბლეის

საგაზაფხულო სესიაზე სიტყვით გამოვა.

ევროსაბჭოს დეპუტატები საქართველოს პრემიერ-მინისტრს 23 აპრილს,

ადგილობრივი დროით 12.00 საათზე მოუსმენენ. მიმართვის შემდეგ ბიძინა

ივანიშვილი ევროსაბჭოს საპარლამენტო ასამბლეის წევრების შეკითხვებსაც

უპასუხებს. ევროსაბჭოს საპარლამენტო ასამბლეაზე სიტყვით გამოსვლის

გარდა, ვიზიტის ფარგლებში ბიძინა ივანიშვილი ორმხრივ შეხვედრებსაც

გამართავს. დაგეგმილია პრემიერის შეხვედრა ადამიანის უფლებათა ევროპული

სასამართლოს პრეზიდენტ დინ შპილმანთან, ევროპის საბჭოს საპარლამენტო

ასამბლეის გენერალურ მდივან ვოიცეკ სავიცკისთან, ევროპის ადამიანის

უფლებათა დაცვის კომისარ ნილს მუჟნიეკსთან, ევროპის საბჭოს ვენეციის

კომისიის პრეზიდენტ ჟანი ბუკიკიოსთან და ვენეციის კომისიის მდივან ტომას

მარკერტთან, ევროპის საბჭოს გენერალურ მდივან ტორბიორნ იაგლანდთან,

ევროპის საბჭოს კონგრესის ადგილობრივი და რეგიონული წარმომადგენლების

გენერალურ მდივან ანდრეას კოფერთან, ევროპის ლიბერალ-დემოკრატების

ალიანსის პოლიტიკური ჯგუფის თავმჯდომარე ანე ბრასორთან, ევროპის საბჭოს

საპარლამენტო ასამბლეის სოციალისტთა ჯგუფის თავმჯდომარის მოადგილე

ნატაშა ვუკოვიჩთან, რუმინეთის რესპუბლიკის პრემიერ-მინისტრ ვიქტორ

პონტასთან.

სტრასბურგში ვიზიტისას საქართველოს პრემიერ-მინისტრი საერთაშორისო

მედიის წარმომადგენლებსაც შეხვდება.

ბიძინა ივანიშვილი სტრასბურგს 24 აპრილს დატოვებს.

რუსთაველის გამზირი და მიმდებარე ტერიტორიები
12:00 საათიდან აღარ გადაიკეტება. შინაგან საქმეთა
სამინისტროს ინფორმაციით, გადაწყვეტილება თბილისის
მოსახლეობის ინტერესებიდან გამომდინარე მიიღეს , რათა
მათ გადაადგილებისას დისკომფორტი არ შეექმნათ.
"ამავდროულად, შსს ზრუნავს აქციის მონაწილეების
უსაფრთხოების დაცვაზე და რუსთაველის გამზირზე და
მიმდებარე ტერიტორიებზე მოძრაობის შეზღუდვის შესახებ
გადაწყვეტილებას მხოლოდ სიტუაციიდან გამომდინარე
მიიღებს. მიღებული გადაწყვეტილების შესახებ სამინისტრო
მოსახლეობას ინფორმაციას დროულად მიაწვდის", -
აცხადებენ შსს-ში.

რუსთაველის გამზირზე "ნაციონალური მოძრაობის" აქციისთვის
მზადება დაწყებულია. საავტომობილო მოძრაობა შეზღუდული არ
არის. რუსთაველის გამზირზე და მის მიმდებარე ტერიტორიაზე
პოლიცია პატრულირებს. უსაფრთხოების ზომები გამკაცრებულია,
პარლამენტის ყოფილ შენობასთან სცენა უკვე დამონტაჟებულია და
ამ დროსათვის აპარატურის მონტაჟი მიმდინარეობს."ნაციონალური
მოძრაობის" აქცია, პარლამენტის შენობის წინ, დღეს, 14:00
საათზე დაიწყება. როგორც მერიიდან გვაცნობეს პარტიას
მანიფესტაციის გამართვის უფლება 15:00-დან 21:00-საათამდე
ექნება. თავად აქციის ორგანიზატორები კი თანამოაზრეებს 16:00
საათზე ელოდებიან.აქციასთან დაკავშირებით შს სამინისტრომ
აქციის მონაწილეებს, ორგანიზატორებს, მერიასა და ძალოვანი

სტრუქტურების წარმომადგენლებს კანონით გათვალისწინებული
უფლება-მოვალეობები გუშინ შეახსენა.

ევროპის საბჭოს საპარლამენტო ასამბლეის მონიტორინგის თანამომხსენებლები
მიესალმებიან საქართველოში მართლმსაჯულების სისტემის რეფორმებს და
მხარეებს იუსტიციის უმაღლეს საბჭოსთან დაკავშირებით კონსენსუსისკენ
მოუოწდებენ. საქართველოს საკითხებში ევროსაბჭოს საპარლამენტო ასამბლეის
მონიტორინგის თანამომხსენებლების ვიზიტის შედეგების შესახებ ინფორმაცია

ევროსაბჭოს ვებ-გვერდზე გამოქვეყნდა, სტატიის თარგმანს კი პრემიერის
აპარატი ავრცელებს. ევროსაბჭოს მომხსენებლების განცხადებით,
მართლმსაჯულების სისტემის რეფორმები მნიშვნელოვნად გააუმჯობესებს
მართლმსაჯულების სისტემის დამოუკიდებლობის ხარისხს და ეს არის
მნიშვნელოვანი ნაბიჯი წინ. თუმცა, მომხსენებლები აღინიშნავენ, რომ
იუსტიციის უმაღლესი საბჭოს რეფორმის გატარება კვლავინდებურად
წარმოადგენს უთანხმოების საგანს უმრავლესობასა და უმცირესობას
შორის. „შესაბამისად, ჩვენ მოვუწოდებთ ორივე მხარეს, მიაღწიონ კომპრომისსა
და შეთანხმებას იუსტიციის უმაღლესი საბჭოს რეფორმის გარდამავალ
დებულებებთან დაკავშირებით, რითაც წარმოდგენა სასამართლო სისტემაზე,
როგორც დამოუკიდებელ ორგანოზე, მხოლოდ გამყარდება“, - განაცხადეს
თანამომხსენებლებმა. რაც შეეხება რეგიონალური და უმცირესობათა ენების
შესახებ ევროპული ქარტიის გარშემო მითქმა-მოთქმას, თანამომხსენებლებმა
აღნიშნეს, რომ ამის ძირითადი მიზეზი იყო არასწორი წარმოდგენები და
გაუგებრობა. მათი განცხადებით, ქარტია არის ინსტრუმენტი, რომელიც
აძლიერებს სახელმწიფოს ერთობას და საქართველოს კანონი სახელმწიფო ენის
შესახებ ბევრ ასპექტში გადაჭარბებით ასრულებს ქარტიის მოთხოვნებს.
მომხსენებლებმა მოუწოდეს ხელისუფლებას, სთხოვოს დახმარება ევროპას
სამოქალაქო საზოგადოებასა და მედიასთან ერთად ყველა დაინტერესებული
მხარისათვის განკუთვნილი საინფორმაციო და საგანმანათლებლო კამპანიების
მოწყობაში. რაც შეეხება ადგილობრივ თვითმმართველობებს,
თანამომხსენებლებს ეცნობათ ადგილობრივ მოხელეებზე გადადგომისა თუ
პოლიტიკური კუთვნილების შეცვლის მოთხოვნით სავარაუდოდ
განხორციელებული ზეწოლის შესახებ. ევროსაბჭოს განცხადებაში წერია, რომ
მიუხედავად იმისა, რომ გადადგომა და პოლიტიკური კუთვნილების შეცვლა
დემოკრატიული პროცესის ნაწილია, მიუღებელია ამ პროცესში ძალისმიერი
მეთოდების გამოყენება. „შესაბამისად, თანამომხსენებლები მიესალმნენ
პრემიერმინისტრის გზავნილს, რომ ის შექმნის უშუალოდ მისთვის
დაქვემდებარებულ ქვედანაყოფს, რომლის პირდაპირი მოვალეობაც იქნება ამ
ბრალდებების გამოძიება ამგვარი მოქმედებების საჭიროებისამებრ შეჩერებისა
თუ კორექციის მიზნით. ამასთან, ასეთი ქვედანაყოფის შექმნა იქნება
გაფრთხილება ყველა მხარის პარტიული აქტივისტისათვის, რომ ზეწოლა
ადგილობრივ მოხელეებზე მიუღებელია“,- წერია განცხადებაში.

თანამომხსენებლები საკუთარი დასკვნებით მონიტორინგის კომიტეტის
წინაშე საპარლამენტო ასამბლეის შემდეგ სესიაზე 22-26 აპრილს წარსდგებიან.
მიქაელ აასტრუპ იენსენი და ბორის სილევიჩი საქართველოში 8-12 აპრილს
იმყოფებოდნენ.

საქართველოს პრეზიდენტი მიხეილ სააკაშვილი მზად არის აგვისტოს ომის
თაობაზე პარლამენტში მივიდეს, - ამის შესახებ პრეზიდენტმა განაცხადა.
"თუ შეიქმნება საპარლამენტო კომისია, მე მზად ვარ, პარლამენტში მივიდე და
კითხვებს პასუხები გავცე. საპარლამენტო პროცესი არის სხვა პროცესი. ამას არ
ვეწინააღმდეგი", - აღნიშნა სააკაშვილმა. საქართველოს პრეზიდენტი მიხეილ
სააკაშვილი aseve მზად არის, აღლუმი არა მან, არამედ "ართველმა ხალხმა
ჩაიბაროს". როგორც პრეზიდენტმა განაცხადა, ის 26 მაისს აპირებს ავღანეთში
ქართველ ჯარისკაცებთან ერთად შეხვდეს. prezidentma komentari gaakeTaA
saprezidento kandidatzec da aRniSna, rom "ერთიანი ნაციონალური მოძრაობა"
საპრეზიდენტო კანდიდატს პრაიმერის წესით აირჩევს. მისი თქმით, ამის
შესახებ პარტიისგან არაერთი განცხადება გაკეთებულა და ის ამ გზით არჩევას
ემხრობა. საქართველოს პრეზიდენტი მზადყოფნას გამოთქვამს, გამოცდილება
გაუზიაროს საქართველოს მთავრობას და გახდეს მისი უფასო კონსულტანტი.
ამის შესახებ საქართველოს პრეზიდენტმა გადაცემა "პოზიციაში“ სტუმრობისას
განაცახდა. „ამას ვამბობ, არა როგორც პარტიული ლიდერი. სიამოვნებით ვიქნები
პრემიერის კონსულტანტიც, ასევე, ახალი პრეზიდენტის კონსულტანტიც. დღეს
არა მარტო მე, არამედ მთელი საქართველო უნდა ჩაერთოს ეგზისტენციალური
საფრთხეების თავიდან აცილებაში“, - განაცხადა პრეზიდენტმა. პრეზიდენტი
დათა ახალაიას მიერ "ფეისბუქში" გავრცელებულ წერილს " გამოეხმაურა.
სააკაშვილის თქმით, დათა ახალაიასთან არა თუ კომუნიკაცია არ ჰქონია,
არამედ ის საერთოდ ორ-სამჯერ შეიძლება ჰყავდეს ნანახი. პრეზიდენტის
თქმით, რევოლუციის შემდეგ დათა ახალაია "ნაციონალური მოძრაობის"
აქტივისტი არასდროს ყოფილა. "ნაციონალური მოძრაობა" არ არის პიროვნულ
ურთიერთობებზე აგებული ჯგუფი. იგი პრინციპების გარშემოა გაერთიანებული",
- განაცხადა სააკაშვილმა და აღნიშნა, რომ მისი პარტიის დაშლის საფრთხე არ
არსებობს.

ექვს თვეში იქნება თუ ათში, ზურაბ ადეიშვილს მაინც დავაბრუნებთ, -

ამის შესახებ იუსტიციის მინისტრი თეა წულუკიანი აცხადებს. მისივე

განმარტებით, ზურაბ ადეიშვილი უნგრეთში არ იმყოფება.

"უნგრეთის სახელმწიფომ უარყო, რომ ადეიშვილი მის ტერიტორიაზეა.

შსს-სა და პროკურატურასთან ერთად საერთაშორისო ძებნის

გამოცხადებაზე ვმუშაობთ. ", - აცხადებს წულუკიანი. იუსტიციის

მინისტრმა აგვისტოს ომის გამოიების შესახებაც ისაუბრა და აღნიშანა, რომ

წინა ხელისუფლებამ აგვისტოს ომთან მიმართებაში "ყველაზე ნაკლებად

გამოიძია" მიმართულება, სადაც მაღალჩინოსნების პასუხისმგებლობის

საკითხი შეიძლებოდა დამდგარიყო. "იკვეთება, რომ გამოსაძიებელია

ხუთი-ექვსი მიმართულება. მათ აირჩიეს რამდენიმე და ამ მხრივ, საქმე

წინ არის. ", - აცხადებს წულუკიანი. ამასთან, იუსტიციის მინისტრი

არ გამორიცხავს, რომ თუ საქართველოში არ აღმოჩნდნენ საკმარისად

პროფესიონალები ან არ გამოავლინეს პოლიტიკური ნება, ხელისუფლება

იძულებული გახდეს, აგვისტოს ომის საქმე საერთაშორისო დონეზე

განიხილონ.

რაც შეეხება პრეზიდენტ მიხეილ სააკაშვილის დაკითხვას, წულუკიანის

თქმით, თუ საქმის გარემოებები ამას მოითხოვს "ისიც" დაიკითხება.

რუსული ბიზნეს- ინტერესი საქართველოს მიმართ ძალიან დიდია, - ამის შესახებ

საქართველოს ეკონომიკისა და მდგრადი განვითარების მინისტრმა, გიორგი კვირიკაშვილმა

ჟურნალისტებს განუცხადა.

მისი თქმით, ამ ეტაპზე არ შეუძლია თქვას, გადაიზრდება თუ არა ეს დიდი ინტერესი

კონკრეტულ ინვესტიციებში. ხოლო, ჟურნალისტების კითხვას, შესაძლოა, თუ არა

შეიცავდეს საფრთხეს რუსული ინვესტიციები საქართველოსთვის, მინისტრმა უპასუხა -

ყველაფერი კანონმდებლობის მოწესრიგებაზეა დამოკიდებული.

"თუ მოვაწესრიგებთ ანტიმონოპოლიურ კანონმდებლობას, რომ არც ერთ კომპანიას არ

ჰქონდეს მნიშვნელოვანი კონტროლი და მონოპოლია ბაზარზე, ვფიქრობთ, რუსული

ინვესტიცია არანაირ საფრთხეს არ შეიცავს", - აღნიშნა გიორგი კვირიკაშვილმა.

ეკონომიკისა და მდგრადი განვითარების მინისტრმა აღნიშნული განცხადება

სასტუმრო "რედიოსნში" ბიზნესმენებთან შეხვედრის დაწყებამდე გააკეთა.

პოლონეთში ოფიციალური ვიზიტით მყოფი მიხეილ სააკაშვილის განცხადებით, საქართველოს

პრემიერმინისტრი რუსეთის ოფიციალური პირებისა და უგო ჩავესის შემდეგ პირველი

ოფიციალური პირია, ვინც ქართული სახელმწიფო 2008 წლის ომის ინიცირებასა და გაჩაღებაში

დაადანაშაულა.

როგორც პრეზიდენტმა სააკაშვილმა პოლონეთის პრეზიდენტის სასახლის წინ შეკრებილ

ჟურნალისტებს განუცხადა, საქართველოს პრემირის ბიძინა ივანიშვილის მიერ ქართული მხარის

დადანაშაულება 2008 წლის ომის გაჩაღებაში, პოლონეთის ყოფილი პრეზიდენტის ლეხ კაჩინსკის

ღვაწლის „ფეხქვეშ გათელვაა.“

„აქ იყო პრეზიდენტი კაჩინსკი, ამ სასახლეში. თქვენ იცით, როგორ დაგვიჭირა მან მხარი

2008 წელს და რამხელა პოლიტიკური ფასის გადახდა მოუხდა მას ამ მხარდაჭერისთვის.

ვფიქრობ, თუნდაც პრეზიდენტ კაჩინსკის ღვაწლის ფეხქვეშ გათელვაა ის, რაც გუშინ

განაცხადა პრემიერმინისტრმა, რომელმაც პირდაპირ დაადანაშაულა შეიაღებული ძალები და

ქართული სახელმწიფო 2008 წლის ომის გაჩაღებაში. არც ერთ ოფიციალურ პირს, 2008 წლიდან

მოყოლებული, გარდა, რუსული ოფიციალური პირებისა და გარდა უგო ჩავესისა, არასოდეს

დაუდანაშაულებია საქართველო ომის ინიცირებასა და გაჩაღებაში. ყოველთვის ამ ომის

ინიციატორად და აგრესორად გამოყვანილი იყო რუსეთი. მოხდა პირველი შემთხვევა, როცა

გამოჩნდა კიდევ ერთი ოფიციალური პირი, გარდა რუსებისა და ჩავესისა, რომელმაც ეს გააკეთა

და, ჩემდა სამწუხაროდ, ეს საქართველოს პრემიერმინისტრი აღმოჩნდა", - განაცახდა

სააკაშვილმა.

ტელევიზიებისა და გაზეთების ხელმძღვანელებთან გუშინდელი შეხვედრისას საქართველოს

პრემიერმინისტრმა ბიძინა ივანიშვილმა განაცხადა, რომ მისთვის ზოგადად ომის

თემა ბურუსითაა მოცული. ივანიშვილის აზრით, აგვისტოს ომის დროს მაშინდელი

ხელისუფლება არაადეკვატურად მოიქცა. ამასთან, როგორც პრემიერმა აღნიშნა, პრეზიდენტის

გასამართლება უკულტურობა არ არის.