შპს "სტერეო+" აცხადებს, რომ მას არ მიუღია არანაირი მიმართვა "რუსთავი-2"-ის ეროვნული საეთერო მაუწყებლობის შეწყვეტის ან რაიმე სახით შეზღუდვის მოთხოვნით და მსგავსი მიმართვის მიღების შემთხვევაშიც კი შეუძლებელია მაუწყებლობის შეწყვეტა ან შეზღუდვა წერილობითი მიმართვიდან 6 თვის განმავლობაში. კომპანია ამ მიმართულებით რაიმე ქმედებას მისი მხრიდან კატეგორიულად გამორიცხავს.

ჰოლდინგ "აფხაზეთის ხმაში" შემავალი მედიასაშუალებები შეშფოთებას გამოვთქვამთ „რუსთავი-2“-ის მმართველობასთან და ზოგადად, სამაუწყებლო კომპანიის ირგვლივ განვითარებულ მოვლენებში ხელისუფლების უხეში ჩარევის გამო, რაც საფრთხის ქვეშ აყენებს ქვეყნის დემოკრატიულად განვითარების პერსპექტივას.

რესპუბლიკური პარტიის წევრი დავით ზურაბიშვილი სოციალურ ქსელ "ფეისბუქში" წერს, რომ თამაზ ურთმელიძის "ღამის გადაწყვეტილება" სერიოზული დარტყმაა სასამართლოს დამოუკიდებლობაზე.

ხელისუფლებას ურთმელიძისეული დათვური სამსახური არ სჭირდება, - ასე აფასებს ფრაქცია "ქართული ოცნება – რესპუბლიკელების" თავმჯდომარე დავით ბერძენიშვილი კომპანია "რუსთავი 2"-თან დაკავშირებით მიმდინარე მოვლენებს და აცხადებს, რომ ამ პროცესებს რესპუბლიკური პარტია კატეგორიულად ემიჯნება.

საგანგებო ბრიფინგზე ქიბარ ხალვაშმა ეროსი კიწმარიშვილი მხოლოდ მას შემდეგ ახსენა, რაც ჟურნალისტებმა მას და კიწმარიშვილის სხვა მეგობრებს დაუსვეს შეკითხვა, რატომ არ ახსენეს ის მთელი ერთი საათის განმავლობაში.

იურისტი ნათია დიღმელაშვილი "ფეისბუქზე" "არაიურისტი მეგობრებისთვის" განმარტავს, რა მოხდა "რუსთავი-2"-თან მიმართებაში.

ჟურნალისტი ლევან ტაბიძე იხსენებს, როგორ მოვიდა რევაზ საყევარიშვილი ტელეკომპანია "იმედში" და ორ თათბირზე განაცხადა, რომ ტელევიზიიდან არავის გაუშვებდა, თუმცა, 42 ადამიანი გაათავისუფლა.

სამაუწყებლო კომპანია "რუსთავი-2"-ის საინფორმაციო სამსახურის უფროსი გიორგი ლაფერაშვილი "რუსთავი-2"-თან მოდავე მხარის ბრიფინგის იმ მონაწილეებს მიმართავს, ვინც ეროსი კიწმარიშვილს იცნობდნენ.

"ზონდერ-ჟურნალისტი", შესაძლოა, არასწორად ვთქვი და უხეშად მოხვდა ყურს, გავრცელებული ფრაზაა და არაობიექტურ ჟურნალისტს აღნიშნავს", - ასე უპასუხა ქიბარ ხალვაშმა "რუსთავი-2"-ის ჟურნალისტის შეკითხვას იმის შესახებ, თუ რას ნიშნავს "ზონდერ-ჟურნალისტი".

სამაუწყებლო კომპანია "რუსთავი-2"-ის საინფორმაციო სამსახურის უფროსი გიორგი ლაფერაშვილი წუხილს გამოთქვამს იმის გამო, რომ მაშინ, როცა ღამით "რუსთავი-2"-ის ოფისთან უამრავი ადამიანი მივიდა, იქიდენ პირდაპირ ეთერში ეს ამბები მხოლოდ ერთი ტელევიზიით გადაიცემოდა.