დაქირავებით დასაქმებულ ადამიანებს, რომელთაც აღარ ერიცხებათ ხელფასი, სოციალური დახმარების მისაღებად არავითარი საბუთის წარდგენა არ დასჭირდებათ, - ამის შესახებ ჯანდაცვის მინისტრის მოადგილემ თამარ ბარკალაიამ COVID-19-ის შედეგად მიყენებული ზიანის შემსუბუქების მიზნობრივი სახელმწიფო პროგრამის პრეზენტაციაზე განაცხადა. მისი განმარტებით, დამქირავებელი გათავისუფლებული ადამიანების შესახებ ინფორმაციას მიაწვდის შემოსავლების სამსახურს, რომელიც თავის მხრივ, ამ პირთა სიას დასაქმების სააგენტოს წარუდგენს. თამარ ბარკალაიას განცხადებით, თვეში 200- ლარიანი დახმარების გაცემა ამ სიების მიხედვით მოხდება.

საქართველოს პრეზიდენტი სალომე ზურაბიშვილი იტალიის რესპუბლიკის პრეზიდენტს, სერჯიო მატარელას ტელეფონით ესაუბრა.

ქუთაისის მერიასთან ქალაქიდან გასავლელად საჭირო საშვის მისაღებად, მოქალაქეები არიან შეკრებილი. ტერიტორიაზე დარღვეულია სოციალური დისტანცია.

მსოფლიო ბანკმა საქართველოს 80 მილიონი აშშ დოლარის მოცულობის ფინანსური მხარდაჭერის პაკეტი გამოუყო, რათა დაეხმაროს მთავრობას ჯანდაცვასა და სოციალურ სფეროში „კოვიდ-19“-ით გამოწვეული შედეგების შერბილებასა და მათზე რეაგირებაში, – ინფორმაციას მსოფლიო ბანკი ავრცელებს.

თეთრიწყაროში კორონავირუსით ინფიცირების კიდევ ერთი შემთხვევა გამოვლინდა.

ლევან რატიანის განცხადებით, თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს 9 გამოჯანმრთელებული პაციენტი დატოვებს.

რუსეთის პრეზიდენტი ვლადიმერ პუტინი აცხადებს, რომ კორონავირუსთან დაკავშირებული სიტუაცია ქვეყანაში დაძაბული რჩება და რუსეთს ჯერჯერობით ვირუსის გავრცელების პიკი არ გადაულახავს.

სამეგრელო-ზემო სვანეთის რეგიონიდან კორონავირუსზე გაგზავნილი 55 ტესტიდან 38-ზე უარყოფითი პასუხია. დღეს 17 ტესტის პასუხი გახდება ცნობილი.

მსოფლიოში კორონავირუსით ინფიცირებულთა რიცხვი 3 116 680-მდე გაიზარდა.

აშშ-ის პრეზიდენტმა დონალდ ტრამპმა განაცხადა, რომ კორონავირუსის ყველაზე უარესი დღეები შეერთებულ შტატებში დასრულდა. როგორც მან, სამშაბათს, თეთრ სახლში განაცხადა, ის ფიქრობს, რომ ვირუსი "გაქრება".