მოსკოვში მოღვაწე ქართველი მომღერალი აჩი ფურცელაძე აცხადებს, რომ ამჯამად მის პირად ცხოვრებას მარტოობა ჰქვია.

მოწყობილობა, რითაც სოფელ ყარაფალას სასაფლაოზე იური ვაზაგაშვილი შვილის საფლავზე ააფეთქეს, კუსტარულად დამზადებული არ ყოფილა და ის ქარხნული წარმოებისაა.

შს სამინისტროს ცნობით, პეკინის ქუჩაზე მომხდარი ავარიის მიზეზი, სავარაუდოდ, მძღოლის გარდაცვალება გახდა.

მედიაჰოლდინგ "ჯი ეიჩ ენის" მფლობელი გოჩა მირცხულავა იური ვაზაგაშვილის მკვლელობის შემდეგ განვითარებულ მოვლენებს, ძირითადად, პოლიტიკოსთა რეაქციას ეხმიანება და "ფეისბუქზე" წერს, რომ ამ ქვეყანაში გარდაცვლილებიც კი "ჩემიანებად" და მტრებადაა დაყოფილი.

სოციალურ ქსელში თვალშისაცემია ბიძინა ივანიშვილისადმი მიმართვის გახშირების ტენდენცია. მიმართვა, როგორც წესი, მხოლოდ ერთ - ხელისუფლებაში ივანიშვილის დაბრუნების შესახებ თხოვნას შეიცავს.

რუსეთის საგამოძიებო კომიტეტის თავმჯდომარის, ალექსანდრ ბასტირკინის განცხადებით, გიუმრიში ავეტისიანების შვიდსულიანი ოჯახის მკვლელობისთვის დაკავებული რუსი სამხედრო, ვალერი პერმიაკოვი სომხეთში გასამართლდება.

ქვემო ფონიჭალაში ოთხი ნიღბიანი, შეიარაღებული პირი ახმედოვების ოჯახს თავს დაესხა. ბოროტმოქმედებმა ცოლ-ქმარი და მცირეწლოვანი ბავშვი დააბეს და ფიზიკური შეურაცხყოფა მიაყენეს.

კულტურის ყოფილი მინისტრი ნიკა რურუა იური ვაზაგაშვილის მკვლელობის ფაქტს ეხმიანება და "ფეისბუქზე" წერს, რომ ეს ან პირად მტერს შეეძლო ჩაედინა, ან ჩვენი ქვეყნის სასტიკ მტერს. "მე უფრო მეორე ვერსიისკენ ვიხრები", - წერს რურუა.

"არანაირი უდანაშაულობის პრეზუმფცია და რაღაცეები არ სჭირდება ამას, აიყვანეთ დროზე იმ სპეცოპერაციის მონაწილეები, მაგათი გაკეთებულია ეს. დროზე გამოიძიეთ, თორემ მე შევუერთდები ყველაზე რადიკალურ ოპოზიციას და ცოტა ძნელი მოსარევი ვიქნები", - ამბობს რეზო ამაშუკელი "ასავალ-დასავალის" მიერ გავრცელებულ ვიდეოში.

სომხეთის ხელისუფლებამ გიუმრიში დატრიალებული ტრაგედიის შემდეგ ოფიციალურად გლოვის დღე არ გამოაცხადა. სომხეთის მოქალაქეებმა დღევანდელი დღე თავად დაანონსეს, როგორც გლოვის დღე და შეხვედრის ადგილად თავისუფლების მოედანი დათქვეს, სადაც რუსი სამხედროს მიერ მხეცურად მოკლული ავეტისიანების ოჯახის წევრების ხსოვნის ნიშნად სანთლებს ანთებდნენ.