კვერცხი – აღდგომის სიმბოლოა. ტრადიციისამებრ მას ეკლესიაში აკურთხებენ, მიაქვთ ახლობლებისთვის, ურიგებენ გაჭირვებულებს.

Human Rights Watch საბერძნეთს მოუწოდებს, დაუყოვლებლივ გაათავისუფლოს მიგრანტი ბავშვები, რომლებსაც თანმხლები არ ჰყავთ დაკავების ცენტრებიდან და საკნებიდან. ორგანიზაცია დღეიდან კამპანიას იწყებს #გაათავისუფლეთბავშვები და აღნიშნავს, რომ ბავშვების მსგავს პირობებში ყოფნა ყოველთვის არასწორია, მაგრამ ახლა, პანდემიის გავრცელების ფონზე ისინი განსაკუთრებული საფრთხის ქვეშ არიან.

13 აპრილს, „საქართველოს ახალგაზრდა იურისტთა ასოციაციამ” საკონსტიტუციო სასამართლოში გაასაჩივრა მთავრობის ის დადგენილება, რომლითაც საგანგებო მდგომარეობის დროს გარემოსდაცვითი გადაწყვეტილებების მიღების პროცესში საზოგადოების მონაწილეობა შეიზღუდა. ამის შესახებ „აფხაზეთის ხმას” „ახალგაზრდა იურისტთა ასოციაციიდან“ აცნობეს. მათი ინფორმაციით, „საია” სადავოდ ხდის „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ” საქართველოს მთავრობის 2020 წლის 23 მარტის N181 დადგენილების მე-13 მუხლის მე-5 პუნქტს, რომლის თანახმად, „გარემოსდაცვითი შეფასების კოდექსით“ გათვალისწინებული სკოპინგის დასკვნისა და გარემოსდაცვითი გადაწყვეტილების გაცემისთვის დაწყებული ადმინისტრაციული წარმოებები უნდა განხორციელდეს საჯარო განხილვის ჩატარების გარეშე.

ბოლო 24 საათის განმავლობაში სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 199 ახალი ფაქტი გამოვლინდა.

შიდა ქართლში ახალი კორონავირუსით ინფიცირების კიდევ ერთი შემთხვევა დადასტურდა. ინფიცირებულია ახალგაზრდა მამაკაცი, რომელიც კასპის მუნიციპალიტეტში ცხოვრობს.

კორონავირუსთან დაკავშირებით შექმნილი უწყებათაშორისი საბჭო მორიგ შეხვედრას მართავს. შეხვედრაზე, რომელსაც პრემიერ-მინისტრი ხელმძღვანელობს და რომელიც დისტანციურ რეჟიმში მიმდინარეობს, დღეს ეპიდემიოლოგიური სიტუაციის შესახებ იმსჯელებენ.

კანადის ლავალის უნივერსიტეტის მეცნიერი, გიორგი ბაბუაძე, რომელიც კანადაში კორონავირუსის ვაქცინის შექმნაზე მუშაობს, სოციალურ ქსელში განმარტავს, თუ რატომ უვითარდებათ ბავშვებს ვირუსი უფრო მსუბუქ ფორმებში.

მოსკოვში კორონავირუსი 18 სასულიერო პირს დაუდასტურდა. ინფორმაციას „ინტერფაქსი“ კორონავირუსთან ბრძოლის ოპერატიულ შტაბზე დაყრდნობით ავრცელებს.

თურქეთის პარლამენტმა კანონი მიიღო, რომელიც კორონავირუსის გავრცელების გამო ციხეებიდან დაახლოებით 45 000 პატიმრის დროებით გათავისუფლებას ითვალისწინებს, - ამის შესახებ ინფორმაციას „როიტერსი“ ავრცელებს.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საავადმყოფოს დღე-ღამის განმავლობაში კორონავირუსით ინფიცირებული 6 ახალი პაციენტი დაემატა. როგორც ეზუგბაიამ ჟურნალისტებს განუცხადა, მათგან 5 ე.წ.ქობულეთის კლასტერიდანაა, ხოლო ერთის წყარო უცნობია.