მინდა ვუთხრა ყველას: ბატონებს და ქალბატონებს, ერს და ბერს, მოკლეენიანებს და გრძელენიანებს, არ არის ქილიკის დრო. თუ ვინმეს შენიშვნის სურვილი აქვს, აი, ბატონო კლინიკა, შეუძლიათ მობრძანდნენ და ჩვენთან ერთად იმუშაონ იმ სივრცეში, რასაც სასიკვდილო სივრცე ჰქვია,- ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა განაცხადა. მისი თქმით, კორონავირუსის წინააღმდეგ საბრძოლველად სახელმწიფოს მიერ შემუშავებულ გაიდლაინთან დაკავშირებით დიდი აჟიოტაჟი ატყდა. რატიანის შეფასებით, საქართველოს მთავრობამ გააკეთა ის, რისიც „ყველა წამყვან ქვეყანას შურს და ამის მაგალითი არის ინფიცირების დაბალი დონე, ლეტალობის დაბალი და გამოჯანმრთელებულების მაღალი ინდექსი“.

რამდენიმე კვირაა, ბრიტანეთის დედოფალი ელისაბედ მეორე ვინძორის სასახლეში ქმართან 98 წლის ფილიპთან ერთად თვითიზოლაციაში იმყოფება და დღეს, 94-ე დაბადების დღეს ოჯახის წევრებთან ვიდეოკონფერენცით აღნიშნავს. ამის შესახებ Daily Mail-ი წერს. 

დიდ ბრიტანეთში დედოფალ ელისაბედ მეორის იუბილესთან დაკავშირებით საზეიმო ღონისძიებები 18 აპრილს გაუქმდა.

აღსანიშნავია, რომ ბრიტანეთის დედოფალი დაბადების დღეს ოჯერ აღნიშნავს. 21 აპრილს ტრადიციულად, ხოლო ივნისის მერე კვირას ოფიციალურად.

„ევროპული საქართველოს“ ერთ-ერთი ლიდერის გიგა ბოკერიას განცხადებით, პარტია არ დაუჭერს მხარს საგანგებო მდგომარეობის გაგრძელებას, თუ ხელისუფლების მხრიდან არ იქნება წარმოდგენილი კონკრეტული ეკონომიკური გეგმა.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ამ ეტაპზე კლინიკაში სულ 118 პაციენტია მოთავსებული, საიდანაც covid19 დადასტურებული აქვს 91 მათგანს. რატიანის ინფორმაციით, კლინიკის რეანიმაციულ განყოფილებაში მოთავსებული სამი პაციენტის მდგომარეობა კრიტიკულია, ხოლო ექვსის - სტაბილურად მძიმე.

რუსეთში, ბოლო 24 საათის მანძილზე კორონავირუსს 51 ადამიანი ემსხვერპლა და საერთო ჯამში ვირუსით გარდაცვლილთა რაოდენობამ 456-ს მიაღწია.

ამერიკული WTI-ის მარკის ნავთობის ფასი, პირველად ისტორიაში, უარყოფით ნიშნულამდე დაეცა და ამ დროისთვის ბარელის ღირებულება -37.63 აშშ დოლარს შეადგენს, - ამის შესახებ ინფორმაციას „ბისისი“ ავრცელებს.

ანაკლია-განმუხურის საკარანტინო სივრცეში ამ დროისთვის 36 პირია, ხოლო ფოთის ტირ - პარკში ტრაილერის 72 მძღოლი იმყოფება.

ქუთაისის ინფექციურ საავადმყოფოში კორონავირუსით ინფიცირებული ახალგაზრდა მამაკაცი შეიყვანეს. პაციენტს თურქეთში მოგზაურობის ისტორია აქვს და ერთ - ერთ საკარანტინო სივრცეში იმყოფებოდა. როგორც ქუთაისის ინფექციური საავადმყოფოს ექიმი თემურ ნადირაძე აცხადებს, ახალი პაციენტის ჯანმრთელობის მდგომარეობა სტაბილურია.

სომხეთში, ბოლო დღე-ღამის მანძილზე კორონავირუსის 62 ახალი შემთხვევა გამოვლინდა და საერთო ჯამში ინფიცირებულთა რიცხვი 1401-მდე გაიზარდა.

ჩინეთში მესამე დღეა კოვიდ 19-ით არავინ დაღუპულა. ხოლო ერთი დღე-ღამის მანძილზე კორონავირუსის მხოლოდ 11 ახალი შემთხვევა დაფიქსირდა.