ადამიანებს მოუწევთ ახალ რეალობასთან შეგუება, დამცავი ნიღბის ტარება მალე ნორმა იქნება, - ამის შესახებ მსოფლიო ჯანდაცვის ორგანიზაციის პრესსპიკერმა, დევიდ ნაბარომ  განაცხადა.

„ამერიკის შეეეთებული შტატები საქართველოს 2 000 ერთეულ მაღალი ხარისხის სწრაფი ტესტების კომპლექტს გამოუგზავნის, რომელსაც ვირუსის დადგენა რამდენიმე საათში შეუძლია”, - ამის შესახებ ამერიკის შერთებული შტატების ელჩმა საქართველოში კელი დეგნანმა საელჩოს მიერ გავრცელებულ ვიდეომიმართვაში განაცხადა.

კიევ-პეჩერის ლავრაში მეორე სასულიერო პირი გარდაიცვალა. ბერის გარდაცვალების მიზეზი ამ დრომდე უცნობია.

შეგახსენებთ, მანამდე ცნობილი გახდა, რომ კიევ-პეჩერის ლავრაში კორონავირუსით ინფიცირებული არქიმანდრიტი გარდაიცვალა. 

ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 104 ახალი ფაქტი გამოვლინდა. ამის შესახებ "აფხაზეთის ხმას" შინაგან საქმეთა სამინისტროდან აცნობეს.

ევროკომისიის პრეზიდენტის, ურსულა ფონ დერ ლაიენის განცხადების თანახმად, ევროკომისიის თანამშრომელი კორონავირუსით გარდაიცვალა.

საგარეო საქმეთა მინისტრის, დავით ზალკალიანის განცხადებით, უახლოესი ორი კვირა კრიტიკულად მნიშვნელოვანი იქნება და აუცილებელია, რომ არსებულ სიტუაციას თითოეული მოქალაქე განსაკუთრებული პასუხისმგებლობით მოეკიდოს. 

1 აშშ დოლარის ოფიციალური ღირებულება 3.1349 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.1349 ლარი შეადგინა. კურსი, რომელიც დღეს მოქმედებდა, 3.1456 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0107 შეადგინა.

საქართველოს საგარეო საქმეთა მინისტრის, დავით ზალკალიანის განცხადებით, ერაყში, ერბილის პროვინციაში გარდაცვლილ საქართველოს მოქალაქეს სპეცრეისით ჩამოასვენებენ.

ბარსელონაში კორონავირუსით საქართველოს 55 წლის მოქალაქე გარდაიცვალა. ამის შესახებ საკოორდინაციო საბჭოს სხდომის დასრულების შემდეგ საგარეო საქმეთა მინისტრმა, დავით ზალკალიანმა განაცხადა.

გერმანიაში კორონავირუსით ინფიცირებულთა ნახევარზე მეტი გამოჯანმრთელდა. აცხადებს რობერტ კოხის ინსტიტუტი.